رامز جلال في تقديمة مروان عطية: معانا مفسد الهجمات صاحب الـ3 رئات
حرص رامز جلال على تقديم مروان عطية لاعب الفريق الأول لكرة القدم بالنادي الأهلي، بشكل مميز في انطلاقة حلقته ببرنامج رامز ليفل الوحش.
تصريحات رامز جلال عن مروان عطية
وقال رامز جلال في بداية الحلقة: نجم النهارده مش هتلاقي منه كتير موجود صعب الزمان تاني بيه يجود.. في وسط الملعب واقف كالأسود باني قصاد المهاجمين سدود وعامل للوينجات حدود و90 دقيقة وتد مشدود.
وأضاف رامز جلال: الفشل عدوه اللدود وعلى إنجازاته كلنا كنا شهود وياما خلي الغريم يلطم على الخدود وعشان كده مزعلناش منه لما طلب زيادة في العقود مع إن ده في الأهلي مش معهود.
وأردف النجم رامز جلال: أنا جايبه عشان يجدد معايا العهود ويوعدني إنه هينسى كل العروض ويحلفلي إنه مكمل في الأهلي وهو ده المفروض.. اشتري البطولات والمستقبل مبيقاش فكرك محدود ومتقولش هتاخد كام لتاخد كام وتبقى محسود.
واختتم رامز جلال: متقلقش الكيان الأحمر عمره ما هيقابل حب ولاده بالجحود ومتقلقش لأننا اللي هقعد معاهم واتفقلك على النقود.. معانا ومعاكم مفسد الهجمات صاحب الـ3 رئات اللاعب الغالي عليكم وعليا مروان عطية.
ويعد مروان عطية ثاني ضيف رياضي في برنامج رامز ليفل الوحش خلال النسخة الحالية، وذلك بعد حلقة زميله أحمد مصطفى زيزو، فيما استضاف عدة نجوم على رأسهم غادة عبد الرازق ومصطفى غريب وحمو بيكا وماجد المصري.
