تجديد حبس المتهمين بقتل صاحب شركة تأجير سيارات في فيصل 15 يومًا
قررت جهات التحقيق المختصة، تجديد حبس المتهمين في واقعة مقتل حازم حمدان صاحب إحدى شركات تأجير السيارات في منطقة فيصل، 15 يومًا على ذمة التحقيقات.
تجديد حبس المتهمين بقتل صاحب شركة تأجير سيارات بفيصل
وروى أحمد ربيع، ابن عمة المجني عليه وشاهد العيان على الواقعة، تفاصيل الساعات الأخيرة في حياة صاحب شركة كيان لتأجير السيارات.
وقال ربيع في تصريحات خاصة لـ القاهرة 24: البداية كانت إن أخويا شغال في مطعم أسماك، وحصلت بينه وبين عامل هناك خناقة، وقتها الناس مسكوه وقالوا إنهم بيحوشوا، وضربوه وعوروه في رقبته وعدت على كده، ورحنا هناك نشوف الموضوع قال ده اتخانق مع راجل كبير قد أبوه ومشي ولو عايزين تيجوا تعالوا بكرة، وتاني يوم رُحنا للمحل علشان نحل المشكلة بالذوق، وقلنا ده راجل كبير ومش عايزين مشاكل.
وأضاف: إحنا كنا قاعدين قدام المحل ومستنيين صاحب المكان يوصل علشان نتصالح، وهو قال إنه جاي في الطريق، لكن الصنايعية فضلوا يشتموا فينا، وإحنا كنا ساكتين احترامًا لصاحب المحل.
واختتم: أول ما وصل أحمد. ش، صاحب المطعم، لقينا حوالي 14 واحد نزلوا علينا مرة واحدة، ماسكين سنج وسواطير، واستلموا حازم ضرب، وصاحب المحل ضربه في رجله لحد ما اتصاب في العرق اللي بيوصل للقلب.
