المتهم في واقعة أتوبيس المعادي خلال التحقيقات: لقيت واحدة بتصورني وبتقول حرامي ومتحرش وأنا ملمستهاش | تحقيقات
كشفت التحقيقات في واقعة أتوبيس المعادي، عن تفاصيل الاتهام المتبادل بين الطرفين، حيث استمعت جهات التحقيق لأقوال المتهم في القضية رقم 2014 لسنة 2026 جنح قسم المقطم، بشأن الواقعة التي أثارت جدلًا واسعًا عقب تداول مقطع فيديو لها على مواقع التواصل الاجتماعي.
وحصل القاهرة 24 على نص أقوال المتهم في واقعة أتوبيس المعادي، والتي كشفت عن تفاصيل مع دار بينه وبين الفتاة وسبب الخلاف بينهما في القضية.
وجاءت أقوال المتهم في واقعة أتوبيس المعادي أمام جهات التحقيق كالآتي:
ما معلومات بشأن الواقعة محل التحقيق؟
ج: اللي حصل إن أنا حداد شغال في الأتوبيس الترددي عند كمبوند البارون امبارح كنت راكب أتوبيس النقل العام علشان كنت مروح البيت، وفجأة لاقيت واحدة في قلب الأتوبيس بتقول، يعلى صوتها: حرامي متحرش، فأنا فضلت واقف مكاني مصدوم من اللي بتقوله، ولاقيت الناس اللي كانوا راكبين الأتوبيس بيدافعوا عني، وكنت واقف مش عارف اللي هي بتقوله ده، لحد ما لاقيتها مرة واحدة طلعت من جيبها تليفون، وبقت تصور فيَّ، فأنا لفيت ضهري علشان مش عايزها تصورني، فأنا لاقيتها مصممة إنها تصور، فأنا رجعت ورا الأتوبيس، وفضلت عمالة تزعق، والناس قالتلي: إحنا شايفين كل حاجة، وكانت عمالة بتقول: وديني لأحبسك وأفضحك.
وأضاف المتهم: بعدها لاقيت واحد من الركاب كان ماسك سبحة، قالها: انتي تعرفي ايه عن الدين؟ الدين بريء منك ومن أمثالك.. فأنا قولتلها بالنص: (تعرفي ايه عن الدين باللبس اللي انتي لابساه ده)، وروحت ناحيتها علشان أنزل التليفون اللي هي مسكاه، لاقتها بعدت التليفون بتاعها وراحت عند أول الأوتوبيس، والناس حوطت عليا.
ودفعوا علي لحد ما هي نزلت عند نقطة شرطة، اشتكت لأفراد الشرطة علشان يقبضوا عليّ الناس دفعت عني وقالوا إن أنا معملتش أي حاجة، وروحت البيت لاقيت مراتي بتصحيني وبتقولي في واحدة منزلة فيديو بتتبلى عليك، وبعد كده لاقيت القسم بيكلمني فأنا روحت القسم من نفسي وحكيتلهم كل اللي حصل، وإنها بترمي بلاها عليا، وده باين من الفيديو.
