بعد تصريح الرقص له ناسه.. مي القاضي ترد على هجوم فيفي عبده: المفروض الراقصات اللي مايمثلوش
علقت الفنانة مي القاضي، على هجوم الفنانة فيفي عبده عليها، بعد تقديمها لدور راقصة في مسلسل العتاولة، والذي أثار جدلًا.
وقالت مي القاضي في لقاء تليفزيوني لها: شفت إن الجمهور حب الرقص جدا والبنات كانت بتقلده، وأنا قعدت خمس شهور عشان أتعلم حركتين تلاتة من أجل العتاولة.
مي القاضي ترد على هجوم فيفي عبده: المفروض الراقصات اللي مايمثلوش
وأضافت مي القاضي: وأنا عملت كل المجهود اللي أقدر عليه كشغل، وفيفي عبده كان كلامها عن إن ليه الممثلات تعمل راقصات والرقص له ناسه؟ طب ما أنا ممثلة ودوري أعمل أي دور الراقصات همّا المفروض مايمثلوش، وأنا مفكرتش أعاتبها لأن متقابلناش إلا في مشهد واحد في العتاولة، وأنا استغربت التصريح جدا.
وفي سياق آخر، علقت الفنانة مي القاضي على حرمانية الفن، مؤكدة أنها لن تتركه مهما حدث لأنها تحب مهنتها، وتنوي تقديم الكثير من الأدوار المختلفة فيها، وتحدثت الفنانة خلال لقاء تليفزيوني لها: معرفش الفن حرام ولا حلال، نفسي يكون الفن حلال، أوقات بقول يا ترى حلال ولا حرام، فـ ليه يبقى حرام؟، أنا بحبه ومش شايفة إنه حاجة غلط، ولا اللي شغالين فيه غلط، شغلانة متعبة وفيها قيود، وربنا مقالش الفن حلال ولا حرام، ومفكرتش أعتزل وأرتدي الحجاب.
