شاهد في واقعة فتاة الأتوبيس بالمعادي: لقيت واحدة بتشاور على أسامة وتقول حرامي سرق مني 200 جنيه

كشفت التحقيقات في واقعة اتهام شخص بالتحرش بفتاة في أتوبيس نقل عام بمحافظة القاهرة، استدعاء أحد شهود النفي على الواقعة للإدلاء بشهادته أمام جهات التحقيق.

ويواصل القاهرة 24 نشر نص التحقيقات في القضية، التي حملت رقم 2014 لسنة 2026 جنح قسم المقطم.

واستمعت جهات التحقيق إلى أقوال شاهد النفي وبسؤاله..

س: ما معلوماتك بشأن الواقعة محل التحقيق ؟
ج: اللي حصل أنا شغال حداد مع أسامة في موقع الأتوبيس الترددي في الطريق الدائر عند كمبوند البارون سيتي، طلعت أتوبيس النقل العام أنا وأسامة وأول لما طلعنا الأتوبيس لاقيت واحدة قعدت تشاور على أسامة وتقول حرامي وسرق مني 200 جنيه، بس مفيش حد استجاب ليها فلقيتها بعد شوية عمالة تقول ده اتحرش بيا فالناس اللي في الأتوبيس قعدوا يقولولها هو عمل أي هو معملش أي حاجة.

وفي واحد بيقولها انتي بتتبلي عليه ليه فلاقيناها طلعت التليفون وقالت بالنص “يا متحرش أنا هفضحك وديني لافضحك” فالناس قاعدت تقول لأسامة اهدى مضيعش حقك فسكت لحد ما نزل من العربية وبعد كدة أسامة نزل المنيب وبعد كدة لاقينا امبارح أسامة تريند علي السوشيال ميديا وعمالة تدعي عليه بالكلام.

س / متى وأين حدث ذلك؟
ج الكلام ده حصل يوم ٢٠٢٦/١٠/٨ الساعة ٥:٠٠ مساءً في أتوبيس النقل العام عند محطة البارون سيتي.

س/ ما سبب ومناسبة تواجدك في الزمان والمكان سالف الذكر ؟
ج أنا كنت مروح البيت.

س ومن كان برفقتك آن ذاك ؟
ج / أنا كان معايا أسامة محمد رمضان

س/ وما طبيعة العلاقة التي تجمع فيما بينك وبين سالف الذكر ؟
ج/ إحنا أصدقاء عمل.

س ومنذ متي وأنت تعمل مع سالف الذكر ؟
ج أنا بقالي شهر ونص تقريبًا

س / وما طبيعة عملك ؟
ج أنا حداد

س / أي أنك تعمل بذات الحرفة التي يعمل بها المتهم / أسامة ؟
ج إحنا الاثنين حدادين في محطة الأتوبيس الترددي

س / لنعود إلى الواقعة محل التحقيق - وما هو رقم الحافلة التي استقلتها آن ذاك ؟
ج أنا معرفش

س/ ولما صعدت تلك الحافلة تحديدًا ؟
ج/ هي اللي كانت موجودة

س/ وهل صعدت مع المتهم أسامة ؟
ج أيوة، إحنا كنا مخلصين مع بعض الشغل وركبنا مع بعض.