ننشر اعترافات رجل الأعمال المتهم بالاعتداء على فرد أمن بالتجمع: شعرت بالاضطهاد لأني معرفتش أمشيه
كشفت التحقيقات، في قضية اتهام رجل أعمال بالتعدي بالضرب على فرد أمن داخل كمبوند بالتجمع الخامس، تفاصيل اعترافات المتهم في القضية أمام جهات التحقيقات المختصة.
ننشر اعترافات رجل الأعمال المتهم بالتعدي على فرد أمن بالتجمع
وأوضحت التحقيقات التي حصل عليها القاهرة 24، أنه بمثول معتز. ف. م، المتهم في الواقعة، والذي يعمل شريكا في الشركة المصرية الألمانية للصناعات الغذائية والتجفيف ومقيم في التجمع الأول، فور سؤاله حول ما هي تفصيلات إقراره؟ أجاب: اللي حصل إني مالك في كمبوند سوديك فيلت فيلا، وفيه بيني وبين فرد الأمن مشاكل كتير سابقة بدأت من قبل ما أخلص تشطيب، وكانت أول مشكلة بسبب إن علي كان بيركن الجار عندي في الجراج، وأنا كنت لسة مركب الرخام في اليوم لسة منشفش.
وأضاف: تاني مشكلة كانت عربيتي اتخبطت وماقليش وكان بيخلي العربيات اللي واقفة تبع الجار تقف قدام بيتي مش قدام بيت الجار، وأنا كنت بحس بمحسوبية عشان خاطر كان كل ما أحاول أمشيه من مكانه ألاقيهم بيكلمني وبيقولولي بلاش تمشيه عشان هو أمين وبيسقي الزرع في البيت وبيأكل الكلاب.
وأضاف: وفي مرة من المرات أنا صورته وكان بيأكل الكلاب وبعت الفيديو للشركة المالكة لسوديك، وشركة سوديك، وأنا كنت بشوفها في عينهم إني مش هعرف أمشي علي، لكن بعد ما بعت الفيديو مشوه من مكانه لمدة 3 شهور وودوه مكان تاني خالص بعيد عن المنطقة بتاعتنا، ووأنا داخل الكمبوند لقيت علي موجود في مكانه القديم تاني، أول مرة صورته فيديو قلتله أنا بصورك عشان نشوف اخرتها مع الشركة بتاعتك دي وبعت الميل للشركة وقالولي هنرد عليك خلال 48 ساعة.
وأردف: وأنا كنت انفجرت مستحملتش دخلت ركنت العربية ورجعتله قلتله يانا يانت في المكان لقيته بيقولي وريني مسكته ضربته بالقلم كذا قلم تقريبا؛ اقلام وضربته شلوط في بطنه وكنت بشتمه ويشتم الشركة والكلام دا كله كان بسبب اني حاسس اني مضطهد وفضلت أضرب في الحارس.
