بعد نجاح صحاب الأرض.. المنتج أحمد الجنايني يُشيد بزوجته منة شلبي: فخور بيكي وربنا يجازيكي على قد مجهودك
أشاد المنتج أحمد الجنايني بزوجته الفنانة منة شلبي بعد النجاح الذي حققه مسلسل صحاب الأرض، مؤكدًا فخره الكبير بما قدمته في العمل.
وكتب الجنايني عبر حسابه بـ انستجرام: مبروك من قلبي.. أنا حقيقي فخور بيكي، ومش مجرد مسلسل ده عمل بيحكي قضية مهمة بصدق وشجاعة، عمل هيعيش سنين كتير. مبروك النجاح على الأداء الصادق والقوي، وعلى اختيارك دايمًا للأعمال اللي ليها معنى وتأثير ربنا يجازيكي على قد مجهودك وتعبك، وشكرًا على احترامك وإخلاصك في شغلك.
وتابع مشيدًا بصُنّاع العمل: دكتور بيتر إيه الحلاوة والجمال ده. قدرت توصل الإحساس لدرجة إني حسيت إني عايش معاناتهم وصمودهم، وعمر ما كان الإحساس ده هيوصل من غير مخرج وممثلين موهوبين جدًا ومؤمنين بالقضية اللي بيقدموها، وصورة وديكور وملابس خلّونا نحس إننا عايشين معاهم، وموسيقى أكثر من رائعة. وكل ده ما كانش هيحصل من غير إنتاج قوي جدًا واقف ورا مشروع مهم زي ده كل الشكر والتقدير لكل صُنّاع هذا العمل على تقديم قصة تستحق أن تُروى.
ويُعد المسلسل من الأعمال التي لاقت إشادة واسعة، نظرًا لتناوله قضية إنسانية مهمة بأسلوب درامي مؤثر، وأداء تمثيلي لافت من أبطاله.
