شاب يسأل علي جمعة: التيك توكرز بيكسبوا مبالغ كبيرة فهل هذا حلال أم حرام؟
رد الدكتور علي جمعة، عضو هيئة كبار العلماء بالأزهر الشريف، على سؤال شاب: كسب التيكتوكرز والبلوجرز مبالغ كبيرة من محتوى السوشيال ميديا فهل هذا حلال أم حرام؟.
شاب يسأل علي جمعة: التيك توكرز بيكسبوا مبالغ كبيرة فهل هذا حلال أم حرام؟
وقال الدكتور علي جمعة خلال برنامجه الرمضاني نور الدين والشباب: بنشوف هو ده هيؤدي إلى إيه، مضيفا: في أنواع من أنواع التسويق ظهرت في السويد 1950 اللي هي بيعملوها دلوقتي واسمها التسويق الشبكي، والتسويق الشبكي ده بيقول لك كل ما تجيب لي عشرة أنا هديك كذا وكل واحد من العشرة لما يجيب عشرة يبقى أنا هدي له كذا إلى آخره.
وتابع: مثلا طبيب فتح عيادة وإذ به دخل في قضية التسويق الشبكي، فراح سايب العيادة، وهو بيكسب من العيادة كام مثلا سبعة آلاف جنيه، والتسويق الشبكي جابله 15000 في اليوم الأول فهنا العاقل هيسيب الـ7000 الشهري إلى الـ15000 اليومي لكن تاني يوم جاب عشرة آلاف، تالت يوم جاب 5000 ولكنه أصبح متعلقا به لأن أنا داخل لي في 3 أيام 30 ألف جنيه لكن مع الوقت ابتدت تتناقص القيم لغاية ما بقى يدخله 200 جنيه في اليوم، يعني في الشهر 6000 يعني أقل من العيادة وصولا إلى إن هيدخله 100 وأقل؛ لأنه فيه فكرة اسمها فكرة التشبع إنه خلاص تشبع السوق فمش هتلاقي حد يشتري منك.
طب وأخرتها إيه؟
وواصل: وبعدين شهرين تلاتة هيقعد في البيت، فهيحاول يرجع لعيادته مش هيعرف؛ لأن الزباين راحوا للأطباء التانية اللي فتحت، فالدمار هيتدأ يحل بالأسرة، وهذا اللي أنا أقصده من طب وأخرتها إيه؟، مضيفا: أنت دخل لك دلوقتي من التلاعب ومن الهيصة دي 100 ألف لكن بعد كده هيحصل تشبع وهذا التشبع سيؤدي إلى انهيار مفاجئ وندخل في مشكلات نفسية واجتماعية وأسرية وطلاق وجواز وعيال بتضيع إلى آخره.
