حياة كريمة تساعد مسنًا بمبلغ مالي.. والأخير: عليا إيجار ونور وعايش بأمل ربنا
وثّق مقطع فيديو نشرته مؤسسة حياة كريمة، لحظات مؤثرة لمسن بائع مناديل في الشارع يعيش ظروفًا اجتماعية ومادية صعبة.
حياة كريمة تساعد مسنًا بمبلغ مالي
وخلال الفيديو، ظهر المسن يروي تفاصيل مأساوية عن حياته وظروف عمله قائلًا: أنا بشتغل أبيع مناديل كل يوم بنزل من الصبح لحد بليل، صاحب الشقة اللي قاعد فيها رفع الإيجار عليا، ولسه مدفعتش فلوس الكهرباء للبيت لأن ظروفي صعبة جدًا بس الحمد لله.
وواصل: بقالي 20 سنة شغال بائع مناديل في الشارع والفلوس اللي بتتدخلي من الشغلانة دي بسيطة ونفسي أحس إني مرتاح شوية وبعمل حاجة ونفسي يبقى معايا فلوس، أنا راضي بحالي وعايش على أمل ربنا بس نفسي يكرمني الفترة الجاية ويوسع رزقي ونفسي متحوجش لحد أبدًا.
وأضاف: الفلوس اللي جاتلي دي هسعد بيها أختي وولاد أختي وهبسطهم وأجيبلهم كل اللي هما عايزينه، هيفرحوا أوي بالفلوس دي ونفسي أجبلهم كل حاجة.
وقدم برنامج حياة كريمة للرجل مبلغًا ماليًا لمساعدته، ووثق المقطع الحالة في إطار جهود مؤسسة حياة كريمة للوصول إلى غير القادرين، وتقديم الدعم اللازم لهم من خلال مساعدات مالية.
وأثار الفيديو تفاعلًا واسعًا عبر مواقع التواصل الاجتماعي، حيث عبّر مستخدمو المنصات عن تعاطفهم مع الرجل وعائلته، مطالبين بسرعة التدخل لمساندته وتوفير حياة كريمة له، في الوقت الذي شارك فيه آخرون بتعليقات نحو أهمية تكاتف الجهات المعنية.
