مجدى عبد الغني: توروب يستاهل الشتيمة.. ولو أنا مسؤول في الأهلي همشيه
أوضح مجدي عبد الغني، نجم الأهلي ومنتخب مصر السابق، أن الدنماركي ييس توروب المدير الفني للنادي الأهلي، يجب أن يرحل عن منصبه.
وقال عبد الغني في تصريحات إذاعية: أنا طلعت في فيديو شتمت توروب، وهو الحقيقة يستاهل الشتيمة، مش دا مدرب الأهلى، مش عايز حتى يثبت نفسه.
وأضاف: لو كنت مسؤولا في الأهلي همشيه، بس القصة هندفع كام شرط جزائي عشان القرار دا، الأهلى بيدفع مرتبات لاعبين ومدربين كتير وهما قاعدين في البيت.
وتابع: أنا مبروحش الأهلى خالص، معنديش وقت ومبحبش أروح مكان مش مرتاح فيه، أنا نجم كبير في الأهلي غصب عن التخين ومش بيتم دعوتى لأي مناسبة ودا تقصير من المسؤولين وبيقلل منهم ويقزمهم مش مني أنا، ببعت حد بس يجدد الاشتراك وخلاص.
وأشار إلى أن جوهر نبيل وزير الشباب والرياضة، يضع ملف إحياء مراكز الشباب على رأس قائمة أولوياته.
وقال: جوهر نبيل معرفة قديمة من أيام لعبه في الأهلي، واللي لبس شورت وداق البطولات مايتخفش عليه، جوهر جاي الوزارة بعزيمة البطل فهو كان بطل في كرة اليد على المستوى الإفريقى مش المحلي بس.
