السدير مسعود مخرج مسلسل عين سحرية: عصام عمر وباسم سمرة كانوا بيغرقوا في اللا وعي وبيبكوا بعد تصوير المشاهد
تحدث المخرج السوري السدير مسعود، عن كواليس مسلسله عين سحرية، بطولة الفنان عصام عمر وباسم سمرة، والذي عُرض في النصف الأول من السباق الرمضاني الجاري 2026 وحقق نجاحًا كبيرًا منذ عرض أولى حلقاته.
وقال السدير مسعود، في تصريحات إذاعية: أنا محظوظ أن كان معايا مجموعة من الممثلين اللي عينيهم بتحكي، وكل الأعمال اللي اشتغلتها سابقًا بفكر في عيون الممثل مش لغة جسده، الممثل عين، أنت ممكن تتحكم في لغة الجسد بتاعة الفنان ولكن عينه ملكه، الممثل عين ولو معندوش مخزون داخلي يقدر يصدر لعينه الكلام مستحيل يتصدق.
وأضاف: فيه لحظات في الدراما مشاهدها كانت صعبة على الممثلين جميعًا، خاصة مشاهد عصام عمر وباسم سمرة ولما كانوا بيغرقوا بالشكل ده جوا اللا وعي في المشهد كانوا بيبكوا بعد المشهد.
وعن المخاطر التي واجها في المسلسل، فعلق السدير مسعود: أكبر مخاطر مسلسل عين سحرية هو الوقت، ولما عملت منعطف خطر كان معايا شوية وقت، ولما عملت موعد مع الماضي كان عندي وقت أكبر، ولكن الأسباب تتعلق بالمنصة اللي بيتعرض عليها العمل، وفي رمضان بيكون فيه وقت معين وده لوحده بيسبب نوع من القلق دائمًا خلال عرض الحلقات.
وأكمل: فريق العمل كانوا مبسوطين من ردود الفعل الإيجابية ولكن أنا الوحيد اللي مكنتش مبسوط كل حلقة كنت بخاف من الحلقة اللي بعدها، والحقيقة أنا ارتحت بعد ما خلص عرض العمل.
