أقوال مصور واقعة التعدي على فرد الأمن داخل كمبوند بالتجمع: المتهم شتمني وضربني علشان حاولت أحل الموضوع
كشفت التحقيقات في قضية اتهام رجل أعمال بالتعدي بالضرب على فرد أمن داخل كمبوند بالتجمع الخامس، تفاصيل أقوال مصور الواقعة.
أقوال مصور واقعة التعدي على فرد الأمن داخل كمبوند شهير بالتجمع
وروى مصور الواقعة التفاصيل خلال التحقيقات، وجاءت أقواله كالآتي:
س: ما هي تفصيلات حدوث الواقعة؟
ج: اللي حصل إن في19/ 2/ 2026 بعد صلاة الظهر مباشرة كنت في البيت سمعت استغاثة من مراتي وبنتي بيقولولي عم علي فرد الأمن بيتضرب، نزلت لقيت جاري بيتعدى على فرد الأمن بالضرب والشتيمة والسب وألفاظ واضحة في الفيديوهات حاولت أتدخل علشان أفض بينهما، لقيت المتهم شتمني، وطلعلت الموبايل وبدأت أصور وبقوله ميعادنا في النيابة قالى الألفاظ اللي ظهرت في الفيديو.
وأضاف: ضربني في صدري علشان مصورش اللي حصل ولقيته برضو بيشتمني وبیشتم مراتي وبناتي ويهددني بالضرب، واستمريت معاه لحد ما مدير الكمبوند وبعض أفراد الأمن والمشرفين وبرضوا شتمهم وفي الآخر طلبوا النجدة، وفي الأثناء دي نزلت الجيران وطلبت منهم يشهدوا على الواقعة وعملنا محضر باللي حصل.
س: متى وأين حدث ذلك؟
ج: حصل في 19/ 2/ 2026 الساعة 12.30 ظهرا تقريبا في الكمبوند.
س: ما هو سبب ومناسبة تواجدك بالمكان والزمان؟
ج: كنت في البيت ولقيت مراتي بتسغيث بيا ونزلت لقيت المتهم بيضرب فرد الأمن.
س: من كان برفقتك آنذاك؟
ج: كنت لوحدي.
س: ما هي علاقتك بالمشكو في حقه تحديدا وهل من خلاقات سابقة بينكما؟
ج: مفيش أي علاقة بيني وبينه.
س: ما هي ظروف تقابلك مع المتهم؟
ج: نزلت من بيتي لقيته بيضرب فرد الأمن وكل ما أحاول أفض بينهما يشتمني.
