أقوال مصور واقعة التعدي على فرد الأمن داخل كمبوند شهير بالتجمع: المتهم مكانش طبيعي
كشفت التحقيقات في قضية اتهام رجل أعمال بالتعدي بالضرب على فرد أمن داخل كمبوند بالتجمع الخامس، تفاصيل أقوال مصور الواقعة.
أقوال مصور واقعة التعدي على فرد الأمن داخل كمبوند شهير بالتجمع
وروى مصور الواقعة التفاصيل خلال التحقيقات، وجاءت أقواله كالآتي:
س / ما هي الحالة التي كان عليها المشكو في حقه؟
ج: هو من اللي أنا شفته حاسس إنه مش طبيعي وممكن يكون بيتعاطى حاجة، لكن أنا معرفش.
س / وهل لحق بك من جراء ذلك التعدي الواقع عليك أي إصابات؟
ج: لا الحمد لله، الضرب كان من غير إصابات.
س / وهل اشترك مع المشكو في حقه أي آخرين في التعدي عليك؟
ج: لا، هو اللي شتمني وضربني ومكنش معاه حد.
س / على أي أساس تتهم سالف الذكر؟
ج: عشان هو اللي عمل معايا كده.
س / وما سبب قيام المتهم بارتكاب الواقعة محل التحقيق؟
ج: أنا معرفش إيه اللي خلاه يعمل كل ده، أنا مفيش بيني وبينه أي علاقة أو خلافات، كان كل دوري إني نازل أحل الموضوع.
س / ما هو قصد المتهم من ارتكابه الواقعة محل التحقيق؟
ج: هو قصده إنه يشتمني ويضربني دون إصابات.
س / وكيف وقفت على ذلك القصد؟
ج: من اللي حصل معايا والضرب اللي أنا شفته.
