فيفي عبده: أنا أول واحدة عملت مائدة رحمن في مصر
كشفت الفنانة فيفي عبده، طقوسها في شهر رمضان الكريم، موضحة أنها أول من قدم موائد الرحمن بمنطقة المهندسين وأصبحت عادة سنوية لديها.
فيفي عبده: أنا أول واحدة عملت مائدة رحمن
وقالت فيفي عبده خلال لقائها مع القاهرة 24: أول مائدة رحمن اتعملت في مصر كنت أنا اللي عملاها، جالي إرسال في ودني قبل رمضان بـ 6 أيام، قالي أنتي مبتأكليش الناس ليه؟، وطلبت من أختي تساعدني وجبت حُصر وطبالي، وفرشنا الشارع.
واستكملت فيفي عبده: أمي اتخانقت معايا قالت لي إيه الدبكة اللي أنتي عملاهالي دي، قولت لها تعالي معايا لو ملقيناش ناس وقت الإفطار، مش هعمل موائد تاني، ولما نزلت معايا لقت ناس عددهم مهول قالت لي خلاص يا بنتي كملي وربنا يجازيكي.
وتابعت فيفي عبده: بقول لربنا يارب أنا عارفة إنك أنت راضي عني، كل الناس بتحبني ومن كل الفئات، وفي ناس كتير متعرفش تجيب الأرقام اللي بحققها على السوشيال، دي كلها من محبة الناس ليا.
يذكر أن الفنانة فيفي عبده قد قدمت خلال شهر رمضان الماضي برنامج “ألف ليلة” على شاشة إم بي سي مصر، واستضافت خلاله عددًا من نجوم الفن أبرزهم: وفاء عامر، روجينا، إدوارد، محمد ثروت، حسن شاكوش، وغيرهم.
