شقيق ضحية زوجها بكرداسة: أنكر نسب طفلته ورفض تسجيلها| خاص
كشفت التحقيقات في واقعة مقتل سيدة على يد زوجها إثر تعرضها للضرب والاعتداء على خلفية رفض الأولى ممارسة العلاقة الزوجية معه كونه متعاطي للمخدرات، تفاصيل أقوال شقيق المجني عليها وأسباب الخلاف بينهم.
شقيق ضحية زوجها بكرداسة
وأضافت التحقيقات حول القضية أنه بمثول مصطفى سعيد شقيق المجني عليها أمام جهات التحقيقات المختصة وبسؤاله حول ما تفصيلات أقواله بشأن الواقعة؟ أجاب: أن شقيقته تزوجت من المتهم منذ 13 عاما وأنجبت منه أول بنت اسمها مبروكة عندها حوالي 12 عاما، وبعدها بمدة بنت اسمها رودينا ورايحة ثالثة ابتدائي ومن حوالي سنة ونص خلفت بنت اسمها كيان، وخلال فترة الجواز كان بيحصل مشاكل بين اختي وبين جوزها بسبب مصاريف البيت والأطفال وبسبب أنه كان نفسه يخلف ولد.
وأكمل: في بداية شهر أبريل الماضي حصل مشكلة كبيرة بين أختي وجوزها وضربها بسبب أنه مش عايز يسجل آخر بنت، وأختي ساعتها سابتله البيت ورفعنا عليه قضية نسب علشان نسجل البنت، وفضلت في بيت أبويا لحد ما تدخل الأهالي وصالحوهم ورجعت بيت جوزها.
وأردف: يوم الواقعة جت مكالمة لابويا من أخو جوز أختي إسلام بيقوله بنتك سميرة تعبانة وابعت أمها علشان تطمن عليها.
وأشار: وأول ما وصلت العمارة اللي اختي ساكنة فيها لقيت مبروكة بنت اختي قاعدة في مدخل العمارة بتعيط وبقولها مالك وامك فين قالتلي في البيت فوق واديتني مفتاح الشقة ودخلت أدور على أختي وساعتها كان في ريحة وحشة في الشقة ولقيت باب أوضتها مقفول فتحته.
وأكمل: اتخضيت من شكلها ساعتها كانت منفوخة جدا وشكلها ميتة بقالها مدة ولون جسمها مكنش طبیعی فضلت أصوت وخرجت من الشقة والناس اتلمت وبلغوا الشرطة.
