نرمين الفقي عن عدم خوضها تجربة الزواج: ممكن يجيلي راجل متجوز وأنا مش خرابة بيوت
تحدثت الفنانة نرمين الفقي، عن عدم خوضها تجربة الزواج، موضحة أنها لا تقبل أن تكون زوجة ثانية على الإطلاق حفاظًا على مشاعر الزوجة الأولى.
وقالت نرمين الفقي، في لقائها مع الإعلامي أحمد سالم، في برنامج كلمة أخيرة: ممكن يجيلي راجل متجوز وأنا مش خرابة بيوت، ممكن يكون البيت نفسه فيه مشاكل ولكن إحساس أن ممكن ست تتألم أو تتوجع بسببي أنا معرفوش.
وأضافت نرمين الفقي: اللي بيقعد فترة كبيرة من غير جواز بيكون معتمد على نفسه في كل حاجة، أنا مش ست محصلتش ولكني عايزة راجل يتحمل المسؤولية.
نرمين الفقي
وعلى جانب آخر، سبق وتحدثت الفنانة نرمين الفقي، عن مشاركتها في مسلسل أولاد الراعي، الذي عُرض في السباق الرمضاني الماضي 2026، حيث قالت في ندوة تكريم صناع المسلسل بالقاهرة 24: لما اتعرض عليا الدور كان عندنا 12 حلقة وده في حد ذاته حاجة كويسة، ولما قرأت خوفت جدًا من الشخصية وكنت متذبذبة، ولكن المسلسل مينفعش يتقال له لأ.
واستكملت: الدور مختلف وجديد عليا وحلو أن الفنان يجسد كل الشخصيات أو يجسد قدر المستطاع أعمال كتير، والدور طبعًا كان صعب مش سهل وفيه تناقدات كتير بداية من مقتل ابنها، والشخصية كانت مجنونة بـ أولادها، وتحولت لـ امرأة كل اللي في دماغها عند وقوة وتوقع الدنيا في بعض، ده كان عايز أداء مختلف انكسار ووجع وقهر، إلى أن الموضوع تحول أنها بقت واضحة وصريحة والناس مش حابينها وأنا شخصيًا بقيت أقول للشخصية كفاية شر.
