السيناريست محمد سيد بشير عن مشاركة إنجي المقدم في الست موناليزا: اتشال كتير من القصة الحقيقة علشان نقدر نقدمه
كشف السيناريست محمد سيد بشير، كواليس مشاركة الفنانة إنجي المقدم، في مسلسل الست موناليزا بطولة الفنانة مي عمر، والذي عٌرض في السباق الرمضاني الماضي 2026، موضحًا أنه تم حذف العديد من الأحداث الحقيقة بالشخصية الحقيقية حتى يتمكن من تقديمها بالدراما.
وقال محمد سيد بشير، في لقائه مع القاهرة 24: الشخصية اللي إنجي قدمتها اتشال منها حاجات كتير جدًا من القصة الحقيقية علشان ينفع تتقدم، وإحنا في الدراما في حاجات اتشالت من الدور.
وتابع محمد سيد بشير: أول مرة كنا قاعدين مع بعض قالتلي الشخصية دي بتعمل إيه، رحت وريتلها على التليفون وهي مبقتش مصدقة، إن إزاي واحدة كل ما تقابل حد تقوله عيد ميلادي وتاخد هدية وتقيم هتبقى معاه ولا لأ، والشخصية كانت بتعوض اللي افتقدته لأنها كانت مدللة وبقت شخصية متعددة العلاقات.
مسلسل الست موناليزا
وعٌرض مسلسل الست موناليزا، في موسم رمضان الماضي 2026، وشارك في العمل بجانب مي عمر عدد كبير من النجوم، منهم: أحمد مجدي، وفاء عامر، شيماء سيف، جوري بكر، سماء إبراهيم، إنجي المقدم، محمود عزب، محمد محمود، هدير عبد الناصر وآخرين.
