أقوال المتهم في قضية جريمة النقاب ببولاق الدكرور: اتفقنا نسرق خالتي لإن ظروفها كويسة| خاص
يستكمل القاهرة 24 نشر التحقيقات في واقعة مقتل سيدة داخل مسكنها بمنطقة بولاق الدكرور بالجيزة، والمعروفة إعلاميًا بـ جريمة النقاب.
المتهم في قضية جريمة النقاب ببولاق الدكرور
وحصل القاهرة 24 على نص التحقيقات، حيث جاءت أقوال المتهم الأول ويدعى حسن.م.إ.م، موزع مواد غذائية أمام جهات التحقيق بسؤاله، كيف كان السبيل إليك لتتمكن من سداد المبالغ المالية مارة البيان؟
ج: أنا كنت بفكر كل يوم أعمل إيه وكمان لحد الشركات ما بطلت تديني بضاعة لإنها كانت بتخسر معايا وكنت بتأخر في السداد والفترة دي كنت بشوف فراج وبنقعد نفضفض لبعض لحد ما جيه في بالنا موضوع السرقة وحصل اللي حصل.
س: وما هي صلتحك بالمتهم فراج.ع.ا ؟
ج: فراج ده يبقى قريبي من عيلة أبويا يعني حضرتك تقدر تقول إني زى إبني عمي.
س: وإلى أي مدى وصلت طبيعة العلاقة فيما بيتكما؟
ج: إحنا غير إننا قرايب فاحنا كمان صحاب وبنقابل بعض كتير وبتحكي مع بعض وفي مرة أنا كنت بحكيله ظروفي وهو بيحكيلي ظروفه واتفقنا إننا لازم نعمل أي حاجة عشان نجيب فلوس.
س: ومتى وأين مكان ذلك؟
ج: لما اتلكمنا في موضوع السرقة كان من حوالي 10 أيام أو أكتر وكنا قاعدين في بولاق الدكرور.
س: وما مدى تعثر المتهم سالف الذكر ماديًا!
ج: أيوة هو فراج ظروفة وحشة برضه وتقريبا قاعد من الشغل أو بيدور على شغل وعلى طول في مشاكل مع مراته ويوم اتفاقنا على السرقة ده مكنش معاه فلوس يشحن عداد الكهربا بتاع بيته وكان بيحكيلي الموضوع ده وساعتها إتفقنا إننا نعمل أي حاجة المهم نجيب فلوس.
س: وما الطريقة التي حدد تماها لتحصلا على الأموال؟
ج: إحنا قعدنا نفكر كتير لحد لما ملقيناش حل غير إن إحنا نسرق، وساعتها أنا اقترحت عليه نسرق خالتي هناء.
س: ولما وقع اختيارك على المجني عليها تحديدا دون غيرها؟
ج: لكذا سبب، أولهم أنا عارف إن ظروف خالتي هناء كانت كويسة جدا ومعاها فلوس ولو سرقنا منها جزء من اللى معاها نفك بيه زنقتنا مش هتضر أوى غير لما تسرق حد معهوش فلوس، وكمان هي خالتي فهيبقى سهل عليا أدخل.
