أوسكار رويز: مرتبي لا يتجاوز نصف ما كان يحصل عليه من سبقوني في المنصب
علّق أوسكار رويز رئيس لجنة الحكام الرئيسية بالاتحاد المصري لكرة القدم على واقعة مباراة الأهلي وسيراميكا كليوباترا، والهجوم على الحكم محمود وفا عقب اللقاء على خلفية مطالبة الفريق بركلة جزاء في الثواني الأخيرة بداعي لمسة يد على مدافع سيراميكا.
تصريحات أوسكار رويز
وقال أوسكار رويز في تصريحات لقناة أون سبورت: العالم منفتح في قسم التحكيم، في الإمارات اللي ماسك قسم التحكيم مصري، وفي قطر مصري، وأنا هنا بتهاجم علشان أجنبي، وماينفعش نهاجم علشان رئيس لجنة الحكام أجنبي، وهذا هو العالم، وكل من يعمل في إدارة التحكيم بقطر والسعودية والإمارات أجانب، وإحنا بنطوّر التحكيم المصري، والتحكيم تحسن وهذا ضمن أهداف الاتحاد.
وأشار: الناس كلها بتتكلم عن مرتبي، ومرتبي لا يتجاوز نصف ما كان يحصل عليه من سبقوني في المنصب، ومحدش تحدث معايا في تجديد، و70% من اللي بيتقال في السوشيال ميديا غلط، ولكن لازم الدوري يخلص الأول وبعدها نشوف التجديد.
وعن واقعة مباراة الأهلي وسيراميكا، علّق أوسكار رويز: اللي حصل الأسبوع اللي فات كان ممكن يسبب عنف زي اللي حصل قبل كده، ولازم نحترم محمود وفا وعائلته، والحكم بني آدم زيه زي اللاعب.
