شافت أيام صعبة.. صديقة سيدة سموحة بالإسكندرية تروي تفاصيل آخر أيامها
كشفت صابرين؛ صديقة مقربة من سيدة سموحة بالإسكندرية التي أنهت حياتها منذ ساعات، عن صدمتها بعد تلقي الخبر، مشيرة إلى أنها عانت خلال السنوات الماضية، ورغم ذلك كانت تعافر في حياتها لأجل أبنائها.
وقالت صديقة سيدة الإسكندرية في منشور عبر صفحتها على فيسبوك: معظم الناس عارفة إنها صاحبتى وأختى واشتغلنا مع بعض كتير، هي جدعة وكانت بتكلمني نعمل موسم شغل جديد وإنها هتوثق صفحتها عشان الشغل، ومش مصدقة إنها تعمل كده.
وزعمت: شافت أيام صعبة كتير وطليقها ذلها ببناتها كتير، وكانت عايشة ليهم وبتعافر في الدنيا عشان تاكلها بالحلال.
واختتمت كلماتها: حسبى الله ونعم الوكيل في أي إنسان ممكن يأذى حد ويوصله لكده.. ولا نقول إلا ما يرضي الله.. إنا لله وإنا إليه راجعون.
ورصدت سيدة الإسكندرية، معاناتها في منشور سابق عبر صفحتها على فيسبوك، قائلة: أنا شفت قلة أصل وقسوة وتبالي وافتراء وأكل حقوق من قريب وغريب.. دا أنا عشت أيام وسنين وقصص محدش يعرفها غير ربنا، دخلت مستشفيات ومحاكم وقعدت ف قعدات عرفية بطولي وسط 70 راجل.
وأضافت في منشورها: اشتغلت وسافرت وروحت وجيت وعافرت، حرمت نفسي سنين من حتى خروجة حلوة مع صحابي عشان كنت بدفع حضانات وإيجارات ودراسة ليا وكورسات وعمر ما حد عرف حتى أقرب الناس، تعبت ودخلت مستشفيات وجالي وعكات صحية محدش يعرف عنها حاجة أبدا وقمت.
