بعد استغاثته.. صانع محتوى يكشف معاناة ابنته لولادتها بحالة مرضية نادرة: الوضع يسوء
استغاث صانع محتوى عبر حسابه الشخصي من مضاعفات إصابة ابنته بحالة مرضية نادرة بعد أيام من ولادتها بدون أنف، اضطرت على إثرها لإجراء جراحة الشق الحنجري حتى تتمكن من التنفس لكن أصبحت الصغيرة وتواجه صعوبات أخرى في الرضاعة والتنفس بشكل مستمر وعرضه للاختناق في أي وقت.
صانع محتوى يكشف معاناة ابنته لولادتها بحالة مرضية نادرة: الوضع يسوء
وشارك صانع المحتوى فيديو عبر حسابه الشخصي على فيسبوك، قال فيه: أنا بقيت بندم على اليوم اللي عملت فيه لبنتي عملية الشق الحنجري بسبب اللي بقيت بشوفه معاها البنت مكنتش متعذبة قبل ما تعمل العملية دي.
وواصل: هي دلوقتي عندها مشاكل كتير في الأكل والصوت والرؤية بسبب عملية الشق الحنجري لأن هي عبارة عن أنبوبة في الحنجرة بتتجمع فيها كل السوائل الموجودة في الأنف أو الفم وبتحتاج تتشال، العملية دي اسمها التشفيط لما الشخص يحس باختناق.
وأضاف: المشكلة أن البنت الصغيرة ملهاش صوت يعني لو اتخنقت هتموت ومحدش يحس بيها إلا لو عديت من جنبها ممكن تلاحظ أن وشها بيزرق ويتخنق، أنا حقيقي حاسس بمعاناة مش طبيعية لبنتي وبيقولنا لو خرجت البنت من المستشفى ممكن يحصلها اختناق كل يوم.
