علي محمود: مش بفضّل أي نادِ للانتقال إليه في الموسم المقبل.. ويفرق معايا فرصة اللعب

تحدث علي محمود لاعب فريق إنبي المتألق خلال الموسم الحالي، عن كواليس بداياته، كاشفًا عن شرطه للانتقال لأي نادٍ في الموسم المقبل.

تصريحات علي محمود

وقال علي محمود في تصريحات مع الإعلامي أحمد شوبير عبر برنامج الناظر: بدأت مشواري في النادي الأهلي كظهير أيسر وعمري 8 سنوات، وكان زميلي في الوقت ده أحمد عاطف قطة لاعب بيراميدز حاليا.

وأضاف: انا بدأت في الأهلي من وانا عندي 8 سنين لحد 14 سنة وبعد كدا ضم اللاعبين على فرق تانية وكان معايا قطة ومكملتش وطلعت على ناشئين إنبي، وكنت محظوظ إني روحت إنبي لأنه من الأندية اللي بتهتم بالناشئين.

وأفاد علي محمود في تصريحاته: مش بفضّل أي نادِ للانتقال إليه في الموسم المقبل، ولكن اللي بيفرق معايا هو فرصة اللعب، عايز ألعب أساسي، واللعب لمنتخب مصر أحد أحلامي.