دخل على رجليه خرج ميت إكلينيكيا.. سيدة تزعم تعرض والدها للإهمال الطبي بأحد المستشفيات الخاصة
استغاثت سيدة من تعرض والدها لإهمال طبي جسيم داخل أحد المستشفيات الخاصة بالقاهرة، مما أدى إلى دخوله في حالة موت إكلينيكي وفقدان تام للوعي إثر خضوعه لعملية جراحية في الفقرات العنقية.
وفي فيديو لها، عبر صفحتها بفيس بوك، أوضحت السيدة تفاصيل الواقعة خلال مقطع الفيديو قائلة: «بابا كان مقرر يعمل عملية في الفقرات العنقية، لأنه كان عنده مشكلة في الغضاريف وضاغطة على فقرتين، العملية المفروض إنها معروفة ونسبة نجاحها كويسة، وهو قبل العملية كان طبيعي جدًا ماشي على رجله، بيجيب لنا الأكل بنفسه، وكل التحاليل كانت سليمة، السكر والضغط وكل حاجة تمام».
وتابعت: قرر يعمل العملية على نفقة الدولة، مع إن حالته ما كانتش مسببة له مشكلة خطيرة وقتها، وبدأنا نمشي في الإجراءات لحد ما دخل المستشفى من إمبارح وكل حاجة كانت مستقرة، ودخل العمليات فعلًا.
وزعمت السيدة أن والدها لم يفق بعدها، مردفة: «بعد العملية فضلنا مستنيين 3 أو 4 ساعات عشان يفوق من البنج، لكنه ما فاقش بعدها الدكتور طلبنا وقال إن الضغط والسكر وكل العلامات الحيوية كانت كويسة، وإنهم مستنيين تأثير الأدوية يخف، لكن برضه ما كانش بيفوق بعد كده قالوا إن أحيانًا بيحصل ورم حوالين مكان العملية وده ممكن يأخر الإفاقة. »
واستكملت: «لكن الوقت عدى، وبابا ما فاقش لمدة يومين أو أكتر بعدين نزلناه الرعاية المركزة، وهناك الدكتور اللي استلم الحالة قال إن درجة الوعي عنده كانت 5 من 15، وده معناه إن حالته خطيرة جدًا».
«لما حاولت أفهم منه إيه اللي حصل، قالي بشكل غير مباشر إن فيه حاجة غلط حصلت أثناء العملية، لكنه ما يقدرش يقول تفاصيل لأنها مش من اختصاصه وأنا قلت له: "يا دكتور، ده دخل العملية على رجله وكان كويس" فرد عليّ إن اللي حصل قضاء وقدر، لكن ألمح إن حتى لو فاق، ممكن يحصل له شلل بسبب الخطأ اللي حصل أثناء العملية»
