عصام كاريكا: أتمنى التعاون مع محمد رمضان لأن أغانيه مسموعة.. وهذا سبب رفضي العمل مع محمد سعد
تحدث الفنان عصام كاريكا عن الفنان محمد رمضان، كاشفًا عن رغبته في التعاون معه بعمل غنائي جديد، إلى جانب حديثه عن خلافه مع الفنان محمد سعد.
عصام كاريكا: أتمنى التعاون مع محمد رمضان لأن أغانيه مسموعة
وقال عصام كاريكا خلال ندوته في القاهرة 24: محمد رمضان مؤدي ناجح جدًا وأتمنى التعاون معاه لأن أعماله مسموعة، بس لازم الأغنية تكسر الدنيا مش أقل من أغنية نمبر وان.
وتطرق عصام كاريكا في حديثه عن كواليس الخلاف مع محمد سعد وقت تسجيل أغنية يا للي نسيت الغرام، معلقًا: تيجي عليا هقولك استوب، أنا محمد سعد ليا تاريخ معاه لحد فيلم بوحة، كل حاجة بعملها له بتنجح، ومكانش يتدخل.
وأضاف: أغنية يا اللي نسيت الغرام محمد سعد كان عاوز يحط كوبليه سجادة بين إيديك قولت له مش هعملها، وقالولي وقتها مشيها، قولت تمام بس ده آخر لقاء، وتقابلنا بعدها وقالي مش هنرجع نشتغل تاني قولتله أنت نجم كبير مش بحاجة.
أعمال عصام كاريكا
في سياق آخر، يواصل عصام كاريكا تحضير برنامج جديد من المقرر أن يعلن عنه خلال الأيام القليلة المقبلة، حيث قال كاريكا في تصريح لـ القاهرة 24: أقدم برنامجا جديدا على شاهد نكشف من خلاله كواليس صناعة العديد من الأغاني التي قدمتها خلال السنوات الماضية.
