باسم مرسي: أنا مش بتاع مشاكل وبعض المدربين كانوا عايزين يكسروني
أكد باسم مرسي مهاجم الزمالك السابق، أنه لم يكن يومًا من اللاعبين الذين يفتعلون الأزمات مع المدربين بسبب عدم المشاركة، مشيرًا إلى أنه كان دائمًا يترك الأمور الفنية للجهاز الفني دون الدخول في صدامات مباشرة.
تصريحات باسم مرسي
وقال باسم مرسي خلال تصريحات تليفزيونية: مكنتش بعمل مشاكل للمدربين ومكنتش بقول لمدرب أنت مبتلعبنيش ليه، لأن في مدربين بتكون عايزة تكسرني نفسيًا، لكن عمري ما دخلت في مشكلة مباشرة مع أي مدرب.
وأضاف باسم مرسي: أنا كنت دايمًا بقول اللي يمليه عليا ضميري ومكنتش بسكت، وده اللي سببلي مشاكل كتير في مشواري، لكن في النهاية عمري ما تجاوزت مع أي مدرب.
وتابع مهاجم الزمالك السابق: كل المدربين واللاعبين اللي اشتغلت معاهم كانوا بيقولوا إني من أكتر اللاعبين التزامًا في التدريبات، وإنّي دايمًا بتمرن كويس جدًا.
وفي وقت سابق، أكد باسم مرسي نجم الكرة المصرية السابق، أن نادي الزمالك يمتلك حظوظًا قوية للتتويج ببطولة الدوري الممتاز هذا الموسم، في ظل الأداء المميز الذي يقدمه الفريق مؤخرًا.
وقال باسم مرسي، في تصريحات تليفزيونية، إن لاعبي الزمالك فرضوا أنفسهم على الجميع هذا الموسم، سواء تُوجوا باللقب أم لا، بعدما قدموا مستويات قوية أجبرت الجميع على احترامهم، والفريق قدم دروسًا للجميع، رغم توقعات البعض بتراجعه للمنافسة على المركز الخامس أو السادس.
