الراقصة دينا: أسعد لحظات حياتي وأنا من غير راجل.. والزواج لو بعقد مؤقت يبقى زي الفل
تحدثت الراقصة دينا عن زيجاتها الـ 9 موضحة أنها لم تدخل في أي علاقة خارج إطار الزواج على الإطلاق، مؤكدة أن هذا السبب وراء زواجها 9 مرات كما أنها تعيش أسعد لحظات حياتها بدون وجود رجل بحياتها.
وقالت الراقصة دينا في تصريحات تليفزيونية: أسعد لحظات حياتي وأنا مش متجوزة والحياة أحلى من غير راجل، والراجل مش بيكملني أنا مكتملة بنفسي مش مستنية حد يكملني، أنا بحب كل اللي حواليا أنا مش جعانة حب أنا شبعانة حب وكل اللي حواليا بيحبوني الحمد لله.
وأضافت الراقصة دينا: الزواج لو بعقد مؤقت يبقى زي الفل، أنا أقدر أتحمل الزواج سنتين وبعدين نفكر هل نكمل ولا نفسخ العقد، الناس بقت بتزهق بسرعة جدًا، وفي الأفراح اللي بعملها في ناس بتطلق بعد 6 شهور، وفي من اللي اتجوزتهم اتجوزني علشان يستغلني ولكني باخد كل حاجتي منه، أخد الحق حرفة.
آخر أعمال الراقصة دينا
وعلى جانب آخر، تعُد آخر أعمال الفنانة دينا مشاركتها في مسلسل إش إش بطولة الفنانة مي عمرو والذي عٌرض ضمن موسم رمضان 2025، ودارت أحداثه حول إش إش التي تجد نفسها تعمل راقصة رغمًا عنها، ثم تدخل بالصدفة إلى عالم عائلة آل الجريتلي، لتكتشف عن أن حاضرها المأساوي ليس إلا امتدادًا لأسرار عائلية مدفونة لدى هذه العائلة.
