مش عارف أرجع البيت.. صغير يستغيث من إجبار زوجة أبيه على تركه المنزل بعد وفاة والديه
تداول مستخدمو مواقع التواصل الاجتماعي، منشورًا لصغير يبحث عن فرصة عمل بعد تركه للمنزل بسبب سوء معاملة زوجة أبيه له، إذ توفي والده ووالدته في حادث منذ 3 سنوات وانتقل الصغير للعيش مع زوجة أبيه، إلا أنها أجبرته على ترك المنزل والبحث عن عمل.
صغير يستغيث بعد إجباره على ترك المنزل من قبل زوجة أبيه بعد وفاة والديه
وقال الصغير أمام محمود إمام محمد، صاحب الـ 9 سنوات من العمر، في تصريحات خاصة لـ القاهرة 24، إنه كان يعيش مع زوجة ابيه في منطقة شبرا الخيمة، لكنه خرج من البيت للبحث عن العمل بعد أن أجبرته زوجة والده على ذلك.
وأضاف الصغير إمام محمود إمام، عايز اشتغل مرات ابويا رمتني في الشارع عشان مش شغال، أنا عندي 9 سنوات من شبرا الخيمة، وكنت بروح المدرسة بس مرات أبويا مشتني من البيت، قالتلي انزل اشتغل وأنا نزلت بقالي يومين مش لاقي شغل، ولا عارف ارجع البيت لوحدي، أنا مش عايز أرجع لها ولا أعيش معاها تاني، نفسي ألاقي شغل وأتعلم وأطلع دكتور، مضيفًا أنه طالب بالصف الثالث الإبتدائي، بابا وماما ماتوا في حادث عربية من 3 سنوات، انا كنت عايش في ملجأ قبل ما أروح أعيش معاها.
وأوضح أحمد الروبي، أحد أصحاب المحلات بمنطقة حلوان، الذي عثر على الصغير إمام: “الطفل من الظروف اللي عشها مش واثق في حد وخايف وأتمنى أي حد يعرفه يساعده، هو محتاج يحس بالأمان وأسلوبه في الكلام راقي، لقيته وأنا طالع من البيت رايح الشغل، وقفني وقالي أنا عايز أروح مترو حلوان، وسألته انت منين، قالي أنا من شبرا وعايز أشتغل في حلوان، سألته فين أهلك قالي ماتوا وانه كان قاعد مع واحد صاحبه”.
