كريم عبد العزيز: أنا وأحمد عز خلفياتنا السينمائية واحترامنا للشغلانة واحد.. وفيلم 7DOGS هيعلي توقعات الجمهور للأعمال اللي جاية
تحدث الفنان كريم عبد العزيز، ن تعاونه الثالث مع الفنان أحمد عز، في فيلم 7DOGS المقرر عرضه في موسم عيد الأضحى، موضحًا أن العمل سيعلي التوقعات عند الجمهور فيما هو قادم.
وقال كريم عبد العزيز، في مؤتمر عرض فيلم 7DOGS: السينما عمل جماعي، وفكرة أن أبطال العمل نجمين عاليين وكويسين ده في صالح الفيلم وصالح المتفرج، أنا وأحمد عز في 3 تجربة بينا في تفاهم وكيميا وشخصيتنا قريبة من بعض، وخلفيتنا السينمائية واحدة واحترامنا للشغلانة واحد، ده كله أول واحد بيستفاد منه المخرج.
وتابع كريم عبد العزيز، عن اختيارته الفنية فيما بعد عقب فيلم 7DOGS: شئنا أم ابينا منقدرش نخلي كل فيلم زي 7DOGS، ده تجربة خاصة وأتمنى أنها تتكرر تاني سواء ليا أو لزملائي أو أي فنان عربي، بالنسبة ليا كمنطق مقدر أن كل فيلم يبقى 7DOGS، وأتمنى ولكن أكيد هيعلي التوقعات عند الجمهور في الأعمال اللي جاية.
أما عن التمثيل باللغة الإنجليزية في فيلم 7DOGS، فعلق كريم عبد العزيز: ممكن أحفظ الجملة علشان أقولها، ولكن هي الفكرة همثل إزاي بالإنجليزي؟ لازم أوصل الإحساس بهذه اللغة وأنا مصري، فكنا بنقعد نحفظ الجملة ونجوزها للدراما والشخصية، بحيث أن تطلع مش مجرد أني بقول الجملة ولكن بأدي الجملة بالإنجليزي ودي أصعب حاجة بالنسبة ليا.
فيلم 7DOGS
يعد فيلم سفن دوجز أحد أبرز أفلام الأكشن المنتظرة في 2026، ويشارك فيه النجمان المصريان كريم عبد العزيز وأحمد عز، من إخراج الثنائي العالمي بلال العربي وعادل فلاح، المعروفان بإخراج فيلم الأكشن Bad Boys: Ride or Die. الفيلم مأخوذ عن قصة أصلية للمستشار تركي آل الشيخ وفريق Big Time، وسيناريو وحوار محمد الدباح، على أن يبدأ عرضه في دور السينما بالشرق الأوسط وحول العالم من 27 مايو 2026.
