حمزة العيلي: بخاف من التريندات.. والنجومية مش شهرة أو فلوس
تحدث الفنان حمزة العيلي، عن فكرة النجومية والتريندات بالنسبة له، معربًا عن سعادته الكبيرة بإشادة الجمهور به في موسم رمضان الماضي 2026 بمسلسل حكاية نرجس.
وقال حمزة العيلي، في لقائه بـ برنامج واحد من الناس، مع الإعلامي عمرو الليثي: هذا الجمهور العظيم أكتر حاجة أنا شايل همها طول الوقت، ومسؤولية كبيرة إني أحظى بـ احترامهم ومحبتهم ده بتوفيق ربنا وبدعاء الوالدين، فيه حاجات برفضها مع كامل الاحترام لـ زملائي ولكني مبعرفش أقول انتظروني في كذا لو مكانتش طالعة صادقة وحقيقية، وعلاقتي بالجمهور رهيبة وكأني ببني كل طوبة في مشواري عايز أوصل لأكبر قدر من الجمهور وأن يبقوا هما مصدقين فيا ومحترمني.
وأضاف حمزة العيلي: النجومية بالنسبة ليا مش شهرة أو فلوس، ولكن هي بالنسبة ليا أن أنا أكون في مكانة أعرف أقدم فن معين من الناس، فأنا بشكر الناس كلامهم غالي عليا، والسوشيال ميديا بتاعتي عدد المتابعين مش كتير ولكنهم حقيقين والجمهور هو عزوتي.
أما عن فكرة التريندات، فعلق حمزة العيلي: بخاف من التريندات، أحب أنها تحصل في شغلي، لكني أعمل تريند لأي أسباب أخرى ده بعيد عني الحقيقة، والتريند الحقيقي هو الناس في الشارع.
