حمزة العيلي: مشهد المواجهة الأخيرة في حكاية نرجس كان الأصعب.. واستعنت بموقف حقيقي خلال تحضيرات شخصية عوني
تحدث الفنان حمزة العيلي، عن تفاصيل تحضيرات شخصية عوني، التي قدمها خلال أحداث مسلسل حكاية نرجس، الذي عُرض في السباق الرمضاني الماضي وحقق خلاله نجاحًا كبيرًا، بجانب الحديث عن كواليس مشهد المحاكمة.
وقال حمزة العيلي، في لقائه مع الإعلامي عمرو الليثي في برنامجه واحد من الناس: فكرة رجل شخصية عوني مكنش موجود سبب الرجل دي راحت إزاي، وده كان شاغلني رجل الشخصية راحت إزاي، وده حصل معايا في الحقيقة زمان أيام الشقاوة وركوب القطر كان زحمة جدًا، وفي مرة أنا وأصحابي نطينا من شباك القطر من كتر الزحمة لأننا مش عارفين ننزل، والقطر بدأ يمشي وأنا بنط ورجلي كانت على القضيب وسحبت رجلي بستر من الله، ركبت ده أن ده اللي حصل لـ شخصية عوني.
وتطرق حمزة العيلي، للحديث عن مشهد المواجهة الأخيرة في المحكمة، قائلًا: من أصعب المشاهد في المسلسل، كنت شايل همه جدًا لأنه مواجهة بعد ما عرف أن نرجس ضحكت عليه كل العمر ده، ودي حب عمر الشخصية، كان تركيبة صعبة جدًا وصورته مرتين لأن أول مرة مكنش عاجبني خالص ومكنتش حاسس أن داخل في الحكاية، ولما عيدته تاني حصلت اللحظة اللي كنت عايز أوصلها للجمهور، والحمد لله كان مشهد جميل.
