حبس المتهمين بسرقة سائق تريلا في أكتوبر
قررت الجهات المختصة بالجيزة، حبس شخصين 4 أيام على ذمة التحقيقات، بتهمة سرقة مبلغ مالي وهاتف محمول من سائق سيارة تريلا بمدينة 6 أكتوبر.
حبس المتهمين بسرقة سائق التريلا في أكتوبر 4 أيام على ذمة التحقيقات
ألقت الأجهزة الأمنية بالجيزة القبض على المتهمين بسرقة سائق سيارة تريلا بمدينة 6 أكتوبر، ذلك بعد استغاثة روى خلالها تفاصيل تعرضه للسرقة على يد عدد من الأشخاص.
وكان استغاث سائق نقل ثقيل، يدعى نبيل رزق أبو السعد، بعد تعرضه للسرقة بمدينة السادس من أكتوبر، حيث نشر مقطع فيديو له عبر حسابه الشخصي بموقع التواصل الاجتماعي فيسبوك، يستغيث فيه من سرقة مبلغ مالي عهدة العربية ومحمول، من قبل شخصين.
سائق نقل ثقيل يستغيث بعد تعرضه للسرقة بمدينة 6 أكتوبر
وقال السائق نبيل رزق أبو السعد، في تصريحات خاصة لـ القاهرة 24، كنت راجع يوم الخميس الساعة 1 بالليل من بني سويف لـ الإسكندرية، ووقفنا في مدينة 6 أكتوبر علشان نشتري أكل، وبعت التباع اللي شغال معايا يشتري الأكل، وأنا نزلت أطمن على العربية والعجل بتاعها، وأنا واقف وقت الاستراحة، على ما لفيت حوالين العربية كلها، لقيت الكابينة بتتهز، ببص فيها لقيت شابين أول ما شافوني نطوا من الكابينة الناحية التانية.
وأضاف السائق نبيل رزق أبو السعد: الشابين جروا في أرض فاضية في الحي السادس بمدينة 6 أكتوبر، سرقوا من العربية موبايل زوجتي الله يرحمها كنت محتفظ به وملازمني في كل مشاويري لأنه ذكرى منها، و20 ألف جنيه عهدة من صاحب العربية، عشان مصاريف العربية في الطريق.
واختتم: معرفتش أسيب العربية علشان أروح أعمل محضر، لأن كان معانا حمولة حوالي 70 طن بضاعة، ماقدرش أسيب العربية بالحمولة اللي عليها وأتحرك، وبقالي 40 سنة شغال سواق نقل تقيل من بني سويف لـ الإسكندرية، وأول مرة في حياتي أتعرض لموقف زي ده، ومش معايا أسد الـ 20 ألف جنيه لصاحب العربية، وأتمنى الفلوس والموبايل يرجعوا، أنا راجل كبير في السن فوق الـ 60 سنة، ومعرفتش أجري وراهم.
