صبا مبارك عن مسلسل ورد على فل وياسمين: بتحصل كارثة في كل حلقة
تحدثت الفنانة صبا مبارك عن التحديات والصعوبات التي واجهتها في مسلسل ورد على فل وياسمين الذي يعرض حاليًا على منصة شاهد، وتلعب بطولته مع الفنان أحمد عبد الوهاب.
وقالت صبا خلال لقائها مع القاهرة 24: المسلسل كله مشكلة، Cliffhanger الحلقات أسلوب سردي يعتمد على نهاية الحلقة في ذروة الأحداث، أي نهاية مشوقة، كل حلقة فيه كارثة بتحصل، وبشكل تلقائي طول الوقت فيه حاجات بتحصل لإلهام وبتجري طول الوقت.
وأردفت: إلهام طول الوقت إما بتروح لصاحبتها أو بيوت الناس وبتجري في الشارع طول اليوم وتركب الميكروباصات، طول الوقت فيه حاجات بتحصل في حياتها، أنا كان ممكن أقول الرد العادي إن أصعب مشهد أو أصعب حاجة لما عرفت إن عندها السرطان.
وأضافت صبا: المشهد أكيد صعب، لكن البنت في حياتها جزء كبير من الشقاء، ولكن هي حابة تاخده بسلاسة وخفة، وأنا كنت جادة في التعامل مع كل المشاهد، حتى في مشيتها في الشارع أو بتركب الميكروباص، بالنسبة لي كل مشهد كان مهم.
صبا مبارك: قابلت أحمد عبد الوهاب لأول مرة في حياتي ببروفة القراءة
كما أعربت صبا مبارك عن سعادتها بالتعاون مع أحمد عبد الوهاب، قائلةً: أول مرة أقابله في حياتي كانت في بروفة القراءة، وحصل بينا “click” في 3 ثواني، وبصراحة لما اسمه تم اقتراحه وافقت وكل الصناع؛ لأني حسيت إنه هيكون كومبو غريب وغير متوقع، وفي نفس الوقت هيطلع منه حاجة لذيذة، والحمد لله على النتيجة، وأنا كنت مبسوطة بالشغل معاه أوي، وهو ممثل شاطر ولذيذ ومتفاني في اللي بيقدمه.
أبطال مسلسل ورد على فل وياسمين
يضم المسلسل العديد من الفنانين، منهم: صبا مبارك، أحمد عبد الوهاب، ميمي جمال، إسماعيل فرغلي، هديل حسن، وليد فواز، ياسر عزت، سلوى محمد علي، فدوى عابد، وردشان مجدي، ندى عادل، إيمان الشريف، والمسلسل من تأليف فدوى عابد، وردشان مجدي، ندى عادل، إيمان الشريف، والمسلسل من تأليف عمرو سمير عاطف ووائل حمدي، وتحت قيادة المخرج محمد عبد التواب.
