أحمد الرافعي: مسلسل خطوات الشيطان كان فاتحة خير.. وكنت هرفض مسلسل نون النسوة في البداية
تحدث الفنان أحمد الرافعي، عن بدايته الفنية في عالم الدراما التليفزيونية موضحًا أن مسلسل خطوات الشيطان كان نقطة انطلاقه دراميًا، بجانب حديثه عن آخر أعماله مسلسل نون النسوة، الذي عرض في السباق الرمضاني الماضي 2026، وحقق نجاحًا كبيرًا وقت عرضه.
وقال أحمد الرافعي، في لقائه مع قناة ON: سنة 2014 كان بيتعرض في رمضان مسلسل اسمه خطوات الشيطان الجزء الثاني، عملت فيه مشهد 5 دقائق وبعتز بيه جدًا ومش كتير بيبقى فيه أعمال الواحد بيتمنى يشتغل فيها، ولما جه نصيبي أعمل المشهد ده الحمد لله كان فاتحة خير.
وتطرق أحمد الرافعي، للحديث عن مسلسل نون النسوة، موضحًا أنه كان سيرفض العمل بسبب انشغاله معربًا عن سعادته الكبيرة بالنجاح الذي حققه، قائلًا: كنت هرفض مسلسل نون النسوة بسبب زحمة جدولي ولكن تفاصيل العمل من أول مخرجه والزملاء وطبيعة الدور اللي مختلفة عن الأدوار اللي قدمتها قبل كده، خلتني أخوض التجربة والحمد لله حقق نجاح.
وعن ما إذا كان يشاهد نفسه خلال عرض تصوير العمل، فعلق أحمد الرافعي: فترة العشرة مع الحدوتة والورق بتتكرر ويتعاد تصويرها مرة واتنين وتلاتة، ولما بيخلص العمل مبقدرش أسمع الكلام اللي كنت بقوله، ولكن ساعات بشوف المشاهد المهمة من العمل، وكتير بيحصل أني أقول كان ممكن أعمل المشهد ده بطريقة مختلفة وده حصل في مسلسل نون النسوة.
