هاني عادل ينتقد الأفلام المطروحة: فين السينما بتاعت الناس الحقيقية واللي بتعبر عنهم؟
انتقد الفنان هاني عادل نوعية الأفلام المطروحة في دور العرض المصرية خلال الفترة الحالية، مشيرًا إلى أنها لا تعبر عن الجمهور واقتصارها على الأفلام الأكشن والكوميدي والرومانسية فقط.
وكتب هاني عبر حسابه على فيسبوك: مفيش أفلام مصري موجودة إلا كوميدي وأكشن وأكشن كوميدي أو رومانسي ملزق أو كوميدي رومانسي، فين السينما يا جماعة؟ آه والله فين السينما بتاعت الناس الحقيقية ديه واللي بتعبر عنهم راحت فين؟ حد يدور معانا طيب.
وأردف: فين السينما اللي بتشغل الخيال والعقل كده وتبقي خارج من الفيلم مش عايز تكلم حد علشان تفضل في الحالة اللي حطك فيها، السينما بتتعمل للناس يا جماعة مش علشان متاخدش فرصة إلا في المهرجانات وبعض السينمات اللي بتحاول تساعد.
أعمال هاني عادل
شارك هاني عادل مؤخرًا في موسم رمضان 2026 في عملين دراميين دفعة واحدة، الأول هو مسلسل توابع الذي لعب بطولته مع الفنانة ريهام حجاج، بالإضافة إلى مشاركته في مسلسل كان ياما كان مع الفنان ماجد الكدواني ويسرا اللوزي، ودارت أحداثه في إطار اجتماعي لايت، هذا إلى جانب لعبه بطولة مسلسل أزمة ثقة مع الفنانة نجلاء بدر في موسم الأوف سيزون قبل رمضان.
