إبراهيم حسن عن مبارة الأرجنتين: الناس دي واخدة قرار الماتش يطلع بالنتيجة دي
علق الكابتن إبراهيم حسن مدير المنتخب المصري لكرة القدم على ما حدث تجاه المنتخب خلال مباراته مع الأرجنتين اليوم، بكأس العالم 2026، مؤكدا أن الجميع يشعر بالحزن الشديد، قائلا: الناس دي واخدة قرار إن الماتش ده يطلع بالنتيجة دي.
مباراة مصر والأرجنتين
وأضاف الكابتن إبراهيم حسن، خلال تصريحات تلفزيونية: كسروا فرحتنا والواحد حزين إنه طلع بالقهر ده وكلنا حاسين بكسرة جوانا.. وكلمنا كل الحكام، ولا حد سأل فينا وقت المباراة.
وتابع: الموضوع ده مش جاي صدفة.. وكده.. وعمري ما كنت أتصور إن في كأس عالم يحصل كده.. ولا عمري ما كنت أتصور إن الفيفا يحصل منه كده.
وأكد الكابتن إبراهيم حسن بتواطؤ حكم مباراة مصر لصالح الأرجنتين، قائلا: الحكم بعد الهدف التاني جاله أوامر إن المباراة تخلص بفوز الأرجنتين.. ولفيفا، وكل اللي في الملعب، اتصدموا لما منتخب مصر سجل الهدف التاني.. وكان عندنا طموح نوصل لأبعد حته في كأس العالم
وأوضح قائلا: الحكم جيه يهدد حسام حسن بعد ما رفع ايده بشاره الاضطهاد ومكنش عارف يعمل ايه وكان عايز يطرده.. وطاقم التحكيم ظلموا لعيبتنا وظلمونا والأرجنتين عملت فيلم قبل الماتش تقولك حكم فرنسي ومش فرنسي وفي الاخر شوفنا اللي حصل
واستكمل تصريحاته قائلا: منتخب يكون عنده طموح إنه يوصل بعيد، يحصل معاه كده؟.. ويعني لازم اللي يوصل يكون منتخب معروف عشان يوصل؟
ووجه مدير المنتخب المصري لكرة القدم حديثه للمهاجمين، قائلا: لازم بقى الناس الشريرة والوحشة اللي قاعدة تحارب منتخب بلدها، كفاية بقى.. احنا هنلاقيها منكم ولا من الناس هنا.
وفوقوا لنفسكم بقى، بلا قرف.. وواحد ييجي يقولك: "أنا لا بشجع ده ولا بشجع ده" يا أخي اتقِ الله بقى.. وهو عشان شوية فلوس وترند تبيع نفسك؟
