عمل نفسه فاعل خير.. صاحبة واقعة الصفع تكشف حقيقة الفيديو المتداول: ضربني وعاوز يتجوزني بالعافية |خاص
تداول مستخدمو السوشيال ميديا، فيديو لـ سيدة تعتدي على شخص صفعًا في منطقة أكتوبر بمساعدة أحد الأشخاص، حيث أثار الفيديو موجة غضب واسعة بين مستخدمي السوشيال ميديا.
صاحبة فيديو الصفع تكشف حقيقة الفيديو المتداول
وقالت السيدة صاحبة واقعة الصفح في تصريحات خاصة لـ القاهرة 24: اتصل بيا وقالي أنا فاعل خير وعاوز أقابلك.. قابلته ولاقيته بيقولي عاوز أتجوزك بالعافية غصب عنك، شدني من شعري وحاول يضربني.. الناس في الموقف حشوه عني، والسواقين خلوني أضربه بالقلم، واللي في الفيديو مش أخويا ده واحد من السواقين معرفهوش.
وفي الوقت نفسه قال صاحب فيديو الصفع في تصريحات خاصة لـ القاهرة 24: أنا سواق في موقف أكتوبر ومعرفش الست، ولاقيت الواد اللي في الفيديو بيضرب الست دي، وأول ما شوفته بيضربها اتعصبت وروحت ضربته، وأخدت منه البطاقة قولتله تقربلها إيه.
وتابع: لما سألت الست قالتلي إنها متعرفوش واتهجم عليها ومش عارفة هو عايز منها إيه، بعد الفيديو اللي ظهرت فيه بضرب الراجل خدته وضربته وقعدته في توك توك وبعدها غصبت عليه قالي إن طليقها بعتني ليها.
