إبراهيم حسن لـ الجماهير المصرية: إحنا مقصرناش وخرجنا من كأس العالم بفعل فاعل
وجه إبراهيم حسن مدير منتخب مصر، رسالة إلى الجماهير بعد عودة الفراعنة من الولايات المتحدة الأمريكية عقب المشاركة في كأس العالم 2026.
تصريحات إبراهيم حسن بعد وصول منتخب مصر من كأس العالم
قال إبراهيم حسن في تصريحات تليفزيونية: بشكر الجماهير على وجودهم وأنا كنت متوقع الاستقبال.. والجهاز الفني اشتغل الفترة الأخيرة علشان خاطر الجمهور يكون فرحان، وبقولهم إحنا مقصرناش ومتزعلوش مننا، طموحنا كان عالي والجماهير كانت عايزة أكتر، لكن الموضوع كان خارج عن إرادتنا.
وتابع: إحنا سعداء إن الأطفال الصغيرين أصبحوا متعلقين بمصر بسبب المنتخب، والكرة والرياضة دايمًا هي الطريق للشعوب، والمفروض جمهور المنتخب ياخد جائزة الأفضل في كأس العالم بعد حضورهم في أمريكا من كل الولايات وفي كل الملاعب والمشهد كان رهيب.
وواصل مدير المنتخب تصريحاته: كل الجنسيات في أمريكا كانت بتعتذر لينا على ما حدث في مباراة الأرجنتين، ولم يحدث في التاريخ إن العالم بأجمعه يقف مع منتخب، لكننا غادرنا كأس العالم بفعل فاعل، وإحنا طموحنا كان كبير ودايمًا كنا بنقول للاعبين انسوا ترجعوا بدري، إحنا كنا قربيين أوي منها.
واختتم إبراهيم حسن تصريحاته: ربنا كان شايل لينا كل التقدير وكل الفرحة دي من الشعب المصري والشعوب العربية، إحنا بنتعب عشان بنحب مصر أوي، الحب ده هو أكتر حاجه حصلت في تاريخ الكورة المصرية، معظم الدول العربية بتحبنا وبتدافع عننا بشكل محترم.
