مش مصري.. إخلاء سبيل المتهم بدهس البايكرز على الطريق الدولي
قال وليد حمدي المحامي، إن جهات التحقيق المختصة، قررت إخلاء سبيل المتهم بدهس البايكرز والتسبب في وفاتهم على الطريق الدولي بالإسكندرية.
إخلاء سبيل المتهم بدهس البايكرز على الطريق الدولي
وكانت كشفت الفنانة نهى صالح، تفاصيل الحادث الذي راح ضحيته شقيقها بالإسكندرية، بعد تصادم موتوسيكلات بايكرز، موضحة أن شقيقها والشخص الآخر المتوفى حاولا تفادي الاصطدام بإحدى السيارات التي اتجهت يمينًا بشكل مفاجئ وتسببت في تصادمهما واشتعال النيران في الموتوسيكلات على الطريق.
ونشرت نهى صالح، فيديو الحادث عبر حسابها على فيسبوك، معلقة: لكل واحد دافع عن العربية بكل ظلم وغلط أخويا وهو مش حاسس بينا، الفيديو أهو كانوا ماشيين على طريق سريع وقدامهم عربية ماشية على الشمال وهما كانوا يمين وفوقهم كاميرا يعني مش ماشيين بسرعة لأن ماشين بسرعة الرادار وابتدوا يناموا على تانك البايك ويهدوا السرعة.
وواصلت: فجأة سواق العربية قرر يعطي إشارة يمين ويهدي مرة واحدة علشان يجي من رابع حارة كان ماشي فيها لأول حارة وأول مفرق على إيده اليمين، لأنه كان عايز ياخدها بالعرض فهما اتخضوا منه فخبطوا في بعض قدام العربية، والسواق كمل طريقه عادي ولا كأنه عمل حاجة ما تهزش لحظة للبايك وهي ماسكة فيه النار كمل بكل جحود ولا كأن حصل حاجة جنبه فيها أرواح ونار.
وأضافت: أحب أقول للسواق أن مش ذنبهم بس اللي في رقبتك، ذنب عياله كمان لأنهم شافوا الحادثة بعينيهم وشافوا أبوهم بعنيهم وهو بيموت وأنت مكمل عادي ده بالنسبالك، أما بالنسبة للي صور ده مش لاقية كلام أوصفك بيه إزاى قدرت أنك تصور حتى بعد الحادثة بدقيقة وكملت برضه طريقك عادي، إزاي فضلت ماسك التليفون والنار مولعة في الموتسكلات كل ده علشان عايز تلحق تنزل الفيديو علشان اللايك والشير، طيب أحب أقولك أن عيال أخويا اللي شافوا الحادثة بعينهم كانوا ممكن يتخطوا مع الزمن بس الفيديو اللي حضرتك صورته بيفتحوه كل شوية علشان يشوفوه، ذنبك كبير عند ربك.
واختتمت: أنا عايزة حق أخويا وأنس من إلى قهر قلبي عليه العربية واللي صور الفيديو حتى بعد الحادثة وشاف النار حتى ماساعدهمش، لازم يتحاسبوا دمرونى ودمروا عياله ومراته وحياتنا كلها.
