سعفان الصغير: إبراهيم حسن أبلغ الشناوي بأنه الحارس الثاني.. ولم يطلب المشاركة لتحقيق أرقام قياسية
كشف سعفان الصغير مدرب حراس مرمى منتخب مصر الأول لكرة القدم، عن طريقة إبلاغ محمد الشناوي بأنه سيكون الحارس الثاني للفراعنة في كأس العالم 2026.
تصريحات سعفان الصغير
وقال سعفان الصغير في تصريحات تليفزيونية: إبراهيم حسن مدير المنتخب من أبلغ محمد الشناوي أنه سيكون الحارس الثاني واقتنع من داخله، ولكنه كان حزينًا وهذا الحزن كان داخليًا مثل أي لاعب لا يلعب ولكن هذا الحزن لم يخرج في التمرين.
وأضاف: الشناوي بيسند مصطفى شوبير، أنا في مباراة أستراليا كنت بصلي بين الشوطين ومصطفى متعود لما بينزل الشوط التاني لازم أسخنه شوية عشان يبقى جاهز، فلما طلعت متأخر لقيت الشناوي هو اللي بيسخن شوبير وهو اللي بيشوط عليه.
وأردف سعفان الصغير في تصريحاته: الشناوي لم يطلب المشاركة لبضع الدقائق من أجل تحقيق رقم قياسي.
وعن مصطفى شوبير، أتم تصريحاته: مصطفى شوبير من النوعية اللي من جواه عايز يوصل لأعلى حاجة، هو بيحب شغله وطول الوقت عايز يوصل لرقم واحد، أنا لعبت مع كابتن شوبير لكن مصطفى أعلى منه بمراحل أنا ببقى سعيد وأنا بدرب مصطفى وببقى مستمتع بيه، ووقت ضربة جزاء ميسي محمد عبد الواحد بصّلي وقالي ايه؟ قلتله هيصدها والله ليصدها، وبعد ما اتصدت انهرت من العياط.
