كنزي الشاهدة في واقعة دهس هدير بائعة الشاي: جودي نزلت من العربية تضحك بعد ما خبطت هدير| خاص
كشفت التحقيقات في القضية رقم 1514 جنح طفل الأهرام لسنة 2026، والخاصة بوفاة هدير محمد بائعة الشاي، بعدما صدمتها سيارة، ما تسبب في إصابتها بإصابات بالغة أودت بحياتها، أقوال المتهمين.
كنزي الشاهدة بواقعة دهس هدير بائعة الشاي
وحصل القاهرة 24 على نص التحقيقات، وجاءت أقوال الشاهدة وشهرتها كنزي حافظ، في واقعة دهس هدير بائعة الشاي أمام جهات التحقيق، بسؤالها ما هي كيفية وقوع الحادث تحديدًا؟
ج: إحنا كنا واقفين في الشغل، وفوجئنا بعربية جاية بسرعة جامدة، وخبطت في العربية اللي إحنا شغالين عليها من ورا وكانت هدير واقفة شغالة قدام شنطة العربية، فاتخبطت واتزنقت بين العربيتين، وأنا كنت واقفة جنب العربية من ناحية الباب اليمين، فلما العربية خبطت ولفّت، أنا وقعت الناحية التانية على دراعي واتصبت، والبنت نزلت من العربية اللي خبطتنا وهي عمالة تضحك، والناس اتلمت.
س: من تحديدًا قائد السيارة المتسببة في الحادث؟
ج: البنت اللي اسمها جودي هشام اللي كانت سايقه وكان فيه ولد راكب جنبها.
س: ما هي تحديدًا بيانات قائدة تلك السيارة وقت وقوع الحادث؟
ج: أنا عرفت بعد كده إن اسمها جودي هشام.
من: ما هي السرعة التي كانت تسيير عليها قائدة السيارة؟
ج: هي كانت ماشية بسرعة عالية جدًا، أكتر من 100 كيلو في الساعة.
س: وما هي حالة الطريق من حيث الضوء والرؤية آنذاك؟
ج: كانت الرؤية واضحة عشان كنا العصر.
س: وما هي الإصابات التي نجمت عن ذلك الحادث؟
ج: هدير الله يرحمها، جسمها اتقطع واتهرى في كل حتة، والإسعاف ملحقتش تنقذها وأنا اترميت من زقة العربية واتصبت في دراعي وفي راسي.
س: ما هي التلفيات تحديدًا التي نتج عن ذلك الحادث؟
ج: بعد الحادث، الإكصدام بتاع العربية الإلنترا اتكسر واتشبك في العربية اللي إحنا شغالين عليها من شدة الصدمة، ولزق في ضهر العربية.
س: هل حررت ثمة محاضر لإثبات إصابتك؟
ج: لا.
س: وما الذي حال دون ذلك؟
ج: كنت تعبانة ومتوترة، وكان بيغمى عليا.
س: حددي لنا ما لحق بك من إصابات؟
ج: أنا فيّا كدمات في دراعي اليمين، وكدمة في راسي من ورا.
س: وما مدى وجود كاميرات مراقبة أبانت الواقعة حال حدوثها؟
ج: هو فيه كاميرات في المحلات في شارع الجيش، ومعرفش أنهي كاميرا تحديدا اللي جابت الحادثة.
س: وهل من ثمة شهود على تلك الواقعة؟
ج:أنا كنت موجودة، وكان فيه ناس كتير في الشارع.
