ابني هو عيني اللي بشوف بيها.. عم مصطفى شيال الأسمنت يكشف تفاصيل معاناته: فقدت بصري والناس بتساعدني
تداول مستخدمو مواقع التواصل الاجتماعي مقطع فيديو يُظهر أبًا يعمل في حمل الأسمنت بأحد مواقع البناء، رغم فقدانه لبصره، معتمدًا على نجله الصغير الذي يرشده في كل خطوة خلال العمل ما أثار حالة تعاطف واسعة عبر المنصات الاجتماعية.
عم مصطفى شيال الأسمنت يكشف تفاصيل معاناته
وقال عم مصطفي شيال الأسمنت في تصريحات خاصة لـ القاهرة 24: أنا بشتغل في شيل الرمل من وأنا عندي 16 سنة في مجال المعمار، ودلوقتي عندي 34 سنة، ونظري ضعف فجأة لحد ما فقدته خالص وبقيت بعتمد على ابني بشكل كبير.
وتابع: الناس بتساعدني وبتوديني لأول الطريق وساعات ابني بيوديني ويجبني ونفسي أعلم عيالي لأن مصاريف المدرسة كتير عليا.
واستكمل: مش عايز شهرة أنا عايز الناس تساعدني وتقف جنبي مش أكتر، وبعتمد على ربنا في كل حاجة وفي ناس بتساعدني وبدعي ربنا إني ألاقي شغل تاني يناسب ظروفي.
واختتم: نفسي أهل الخير يساعدوني ويقفوا جنبي عشان أكمل رسالتي في الدنيا أعلم ولادي وأكبرهم وأربيهم أحسن تربية، أنا ظروفي على قد حالها بس الحمد لله على كل حال.
