نفسي ابني يمشي.. أب يستغيث لإنقاذ نجله من هشاشة العظام وتقوس الساقين
عانى الطفل عامر أحمد بكر، البالغ من العمر 6 سنوات، والمقيم بمحافظة الجيزة، من هشاشة في العظام وتقوس بالساقين، وهي حالة ظهرت لديه منذ أن كان في الثالثة من عمره، وتوقفت رحلة علاجه منذ نحو عامين، فيما أكد والده أن الحالة وراثية، إذ انتقلت إليه منه، وأثرت بشكل كامل على قدرة الطفل على الحركة والالتحاق بالمدرسة.
تفاقمت حالته وتوقف عن الدراسة
وفي تصريحات خاصة لـ القاهرة 24، أوضح أحمد بكر والد الطفل، أن الحالة الصحية للطفل تدهورت تدريجيًا، حتى أصبح غير قادر على المشي، وهو ما حرمه من الالتحاق بالمدرسة وممارسة حياته بصورة طبيعية مثل باقي الأطفال.
ووفقًا لما أكده الأب، أوضح الأطباء أن الطفل يعاني من هشاشة بالعظام مع تقوس في الساقين، الأمر الذي يتطلب استكمال علاجه بعد توقفه لعدة سنوات بسبب الظروف المادية لوالده.
وقال أحمد والد الطفل: ابني ورث المرض مني، وأنا كمان مش بقدر اشتغل بسبب الإعاقة اللي في رجلي بتمنعني من المشي بشكل طبيعي، بدأ مرض عامر ابني وهو عنده 3 سنين، لكن العلاج توقف من سنتين بسبب الظروف، وكل اللي بتمناه هو أن ابني يمشي قدامي ويلاقي حد يعالجه علشان يقدر يمشي ويعيش زي باقي الأطفال.
ناشد الطفل المساعدة في إجراء العملية
كما ناشد الطفل عامر قائلًا: أنا عندي 6 سنين، في البداية كنت قادر أمشي خطوات بسيطة، لكن دلوقتي مش قادر أمشي ولا ألعب زي اللي في سني، وإخوتي هما اللي بيساعدوني اتحرك، أنا نفسي أمشي على رجلي تاني، أنا مش محتاج تبرعات، كل اللي بتمناه إن حد يتكفل بإجراء العملية، عشان أقدر أقف على رجلي وأعيش حياة طبيعية زي أي طفل.
