بعد تصدره التريند من جديد.. عم أيمن الكفيف صاحب فيديو حمل الأسمنت: من 2020 واللي عايز يساعدني يوفرلي شغل
أعاد مستخدمو مواقع التواصل الاجتماعي، فيديو لرجل كفيف يعمل في حمل الأسمنت بمساعدة نجله الصغير إلى صدارة منصات التواصل الاجتماعي خلال الساعات الماضية، رغم أن المقطع يعود إلى عام 2020، إلا أنه أثار موجة واسعة من التعاطف والإشادة بإصراره على العمل رغم إعاقته البصرية.
عم أيمن الكفيف صاحب فيديو حمل الأسمنت: من 2020
وقال عم أيمن في حديثه لـ القاهرة 24: الفيديو كان سنة 2020، ومكنتش أعرف إن حد بيصورني، وفوجئت بناس بتكلمني وبتقولي إن الفيديو انتشر تاني.
وأوضح أن نجله سيف، الذي ظهر معه في الفيديو، كان يبلغ من العمر 6 سنوات وقت التصوير، بينما يدرس حاليًا بالصف الثاني الإعدادي، وما زال يقف بجواره ويساعده في حياته اليومية.
وأردف أنه لا يبحث عن مساعدات مالية، قائلًا: الحمد لله مش محتاج مساعدة من حد، واللي عايز يساعدني يجيبلي شغل، ولو هموت مش هطلب فلوس من حد، لو هطلب هطلب شغل.
وأشار إلى أنه يعتمد على أبنائه في التنقل والعمل بسبب فقدانه البصر، مضيفًا: لحد دلوقتي بعتمد على أولادي، هما عيني اللي بشوف بيها.
