أحمد السقا عن المنافسة مع منى زكي وهنيدي في أفلام صيف 2026: مفيش منافسة وبنكمل بعض
كشف الفنان أحمد السقا عن رأيه في المنافسة بموسم أفلام صيف 2026، خاصة مع اقتراب الفنان محمد هنيدي ومنى زكي من طرح فيلمهما الجديد الذي يحمل اسم الجواهرجي خلال الأيام القليلة المقبلة.
وقال السقا خلال تصريحات تليفزيونية: مفيش منافسة، إحنا بنكمل بعض، ولو المجموعة بتاعتنا هتتسمى باسم فإحنا مجموعة هنيدي.
أحمد السقا يعلق على المنافسة مع منى زكي وهنيدي في أفلام صيف 2026
أما عن عودة تعاونه مع الفنانة ياسمين عبد العزيز بعد غياب سنوات في فيلم خلي بالك من نفسك، أردف: عملنا مسرح قبل كده، واشتغلنا إعلانات مع بعض، بس إحنا أصدقاء من نعومة الأظافر زي ما بنقول يعني.
وحول رفض فكرة تصنيف الممثلين، أضاف أحمد السقا: أنا شخصيًا ما بحبش التصنيف، يعني دي وجهة نظر طبعًا تحترم، ولكن أنا شخصيًا ما بحبش التصنيف، زمان كان فيه التصنيف، ممثل سينما، ممثل تليفزيون، دلوقتي هو الممثل ممثل؛ لأنه إحنا في عصر كله اتفتح على بعضه.
وعبّر أحمد السقا عن رأيه في مقترح حق الأداء العلني الذي أثاره الفنان ياسر جلال عضو مجلس الشيوخ، قائلًا: بشكر ياسر جلال كزميلي، ويشكر الأب الروحي وبالنسبة لي أنا هو أستاذي ومعلمي والعميد واللي خرجني من الأكاديمية الدكتور أشرف زكي، وإن شاء الله بإذن الله تتم على خير لأنه ده حق المفروض كان يبقى من زمان أوي، زينا زي العالم المتحضر.
