أول تعليق لأسرة فتاة بني سويف هايدي الشبوري بعد مزاعم تعرضها للعنف الأسري: عايزة تتجوز واحد معاه محو أمية
تصدر منشور لفتاة تدعى هايدي الشبوري من محافظة بني سويف، تريند منصات التواصل الإجتماعي خلال الساعات القليلة الماضية، حيث زعمت هايدي الشابوري في منشورًا لها، تعرضها للعنف الأسري والاحتجاز بمصحة للعلاج النفسي، وإجبارها على التنازل عن ممتلكاتها التي ورثتها عن والدتها من قبل أسرتها، بسبب رفضهم زواجها من شخص تقدم لخطبتها.
أول تعليق لأسرة فتاة بني سويف هايدي الشبوري بعد مزاعم تعرضها للعنف الأسري: عايزة تتجوز واحد معاه محو أمية
وقال م.ش، أحد أقارب هايدي الشبوري، في تصريحات خاصة ل القاهرة 24، الشخص اللي اتقدم لها معاه محو أمية ومطلق ومعاه أولاد، وهايدي خريجة حقوق وبتحضر دراسات عليا، وقولنا لها مفيش توافق اجتماعي والشخص دا مش مناسب ليكي.
وتابع، صممت تتحوزه ووالدتها رفضت تجهزها، وهايدي باعت شقة من ورثها عشان تحضر لجوارها غصب عننا، وقالت هتجوزه غصب عنكم وحتى بدلة الفرح اللي اشتريتها له، هي كانت بتتعب طول الوقت وعرضناها على الدكاترة قالوا دي محتاجة معالج روحاني، وأخوها السبب في انها تتعرف عليه.
واضاف م.ش، أحد أقارب هايدي الشبوري، دخلناها المستشفى النفسي لما تعبت في الأخر عشان تتعالج، أبوها مكملش سنة على وفاته وهي مصممة تنخطب وتتجوز، ومحدش في البيت جه عليها ولا وقف قصادها في حاجة غير في موضوع الزواج دا لان العريس كان متجوز قبل كدا ومطلق ومش مناسب لها، وهو لا اتقدم ولا دخل البيت من بابه، وبنتنا غايبة عن البيت بقالها 4 أيام منعرفش عنها حاجة
