دخلتها دار مسنين.. شقيق هايدي فتاة بني سويف بعد مزاعمها بالتعرض للعنف الأسري: صرفت فلوس من ورثها دون علمنا
أوضح أحمد الشابوري، شقيق هايدي فتاة بني سويف، التي تصدرت التريند خلال الساعات القليلة الماضية، بعد نشرها عبر فيسبوك مزاعم تفيد تعرضها للعنف الأسري.
وقال شقيق فتاة بني سويف لـ القاهرة 24: كلمني شخص وقالي عايز أخطب أختك، وعرفت منه إنه مش بيشتغل وكان متجوز مرتين وعنده أولاد.
دخلتها دار مسنين.. شقيق هايدي فتاة بني سويف بعد مزاعمها بالتعرض للعنف الأسري: صرفت فلوس من ورثها دون علمنا
وأضاف: عرفت هايدي إن العريس دا مش مناسب ليها، وإن مفيش توافق ما بينهم، وهي خدت ورثها كله وباعت منه شقة وصرفت فلوسها من ورانا، وكانت بتجهز لزواجها منه دون علمنا، ولقينا في شنطتها فواتير لتجهيزات الفرح وبدلة العريس بالصدفة.
وواصل أحمد الشابوري: دخلت أختي دار رعاية مسنين في الأول عشان تبعد عن البيت وتنسى الشخص دا، وخرجت بعد 4 أيام وكانت بتكلم نفسها، وجبت لها شيخ في البيت قال مفيهاش حاجة، ودخلتها مصحة للعلاج النفسي، وكلمتني في التليفون وقالت لي خرجني وأنا هرجع وهنسى اللي فات، وبعد ما خرجت بأيام ورجعت البيت مشيت وسابتنا ومنعرفش عنها حاجة، ووالدتها منهارة بسبب غيابها.
وتصدر منشور لفتاة تدعى هايدي الشبوري من محافظة بني سويف، تريند منصات التواصل الاجتماعي خلال الساعات القليلة الماضية، حيث زعمت هايدي الشابوري في منشورًا لها، تعرضها للعنف الأسري والاحتجاز بمصحة للعلاج النفسي، وإجبارها على التنازل عن ممتلكاتها التي ورثتها عن والدتها من قبل أسرتها، بسبب رفضهم زواجها من شخص تقدم لخطبتها.
