مريض وحالتي متتحملش الحرارة.. شاب يحذر من شركة أجهزة كهربائية شهيرة: التكييف مشتغلش تاني بعد الصيانة
كايرو لايت
تكييف معطل - أرشيفية
حذر شاب من شركة شهيرة للأجهزة الكهربائية بعد تفاجئه بتعطل جهاز تكييف اشتراه في 2024، وعندما طلب فريق الصيانة المختص لإصلاح التكييف لم يعمل مجددًا، ويعاني الشاب من ظروف صحية تجعله لايتحمل درجة الحرارة العالية.
شاب يحذر من شركة أجهزة كهربائية شهيرة
وشارك الشاب منشورًا عبر حسابه بموقع فيسبوك جاء فيه: اشتريت تكييف من شركة معروفة في 2024 من فترة، وفجأة حصل فيه عطل ومش راضي يشتغل، وطلبت الصيانة ودفعت رسوم للفني واتقالي الكباس باظ عشان دلقنا عليه مياه وده مش صحيح.
وتابع: بعد ما المفروض الشركة صلحته ومشيوا اتفاجئت إنه برضو مش شغال، خدوا الكباس على أساس يتصلح خلال يومين رجعوا غيروا كلامهم وقالوا هياخد أسبوعين، وأنا مريض ومش قادر أتحمل وحالتي الصحية صعبة وممنوع أتعرض للحرارة.
وأضاف: مكنتش أعرف إني ممكن أتحمل ذنب شركة صيانة بالشكل ده أو أدفع تمن غلطة فني وأنا مليش ذنب في حاجة.
