قطع جثمانه ووضعه داخل الثلاجة.. ننشر اعترافات المتهم بقتل رجل أعمال بالتجمع: كنت بدافع عن شرفي| خاص
حصل القاهرة على التحقيقات في قضية مقتل رجل أعمال بالتجمع الخامس، التي حوت على اعترافات المتهمين بقتل المجني عليه داخل أحد الكمبوندات السكنية بمنطقة التجمع، ووضع جثمانه داخل ثلاجة، وذلك انتقامًا بعد علم المتهم الأول وجود علاقة غير شرعية بين شقيقته والمجني عليه ما دفعه إلى الاستعانة بصديقه من أجل إجباره على التوقيع على عقد زواج بينهما، قبل أن تتطور الأمور وتنتهي بجريمة قتل.
ننشر اعترافات المتهم بقتل رجل أعمال بالتجمع
وبمثول المتهم الأول أمام جهات التحقيقات المختصة في القضية، وبسؤاله حول ما هي تفصيلات أقواله بشأن الواقعة: أقر بأنه فور علمه بوجود علاقة غير شرعية بين شقيقته والمجني عليه قرر الذهاب إليه، حيث قال أمام جهات التحقيقات: ساعتها كلمت أحمد صاحبي اللي ممسوك معايا وقولتله إن فيه وحدة صاحبتي عمل معاها الغلط يا أحمد ولازم تيجي معايا عشان نمضيه ونجيب حق البت دي وساعتها قالي طالما بتعمل خير أنا معاك.
واستكمل: وبعدها روحت اشتريت عصايتين بيسبول لونها أحمر حديد والثانية خشب من محل في زهراء مدينة نصر مش فاكر اسم المحل بـ650 جنيه، وجهزت مفك صليبة ومفك عادة واشتريت صاروخ من محل في مدينة نصر بـ 950 جنيه وكان معاه الأسطوانة بتاعته وجیبت کتر معدن استلس وضهره أسود وجيبت عقد جواز اللي هو بيتباع في المكتبات وورق فلوسكاب علشان الإقرار اللي كنت همضيه عليه والكلام دا كان يوم الجمعة آخر النهار.
وواصل المتهم: كنت اتفقت مع أحمد إننا هنروح بدري الصبح وتحركنا الصبح الساعة 7 وأخدت الحاجة اللي جهزتها معايا واتفقت مع أحمد إني هستخبى في الجنب عشان الراجل لو بص من العين السحرية ميشوفنيش وكان في ايدى عصاية البيسبول وأحمد راح مخبط على الباب عليه ورد عليه الراجل وأحمد قاله دليفرى فالراجل فتح بالراحة الباب فأنا دخلت وخبطت الباب برجلي ولقيته بيمسك فيا وهو عشان عفي عنى.
واستكمل المتهم: أول ما شافني قال الحقوني ولقيته هيمسك فيا عشان يضربني ودخلت فيه بالبونيات في وشه وضربته بعصاية البسيبول اللي كانت معايا على دماغه ووقعته على الأرض من رجليه جنب الحيط اللي عند الحمام ولقيته وهو راقد بيجيب سكينة من الكراكيب بتاعته اللى جنب الحمام وأنا روحت مسكتها من ايده من النصل ولقيته سحبني من ايدى وایدی ساعتها اتعورت والدم نزل منى وروحت خطفت السكينة من ايده وروحت ضربته طعنة في جنبه وكان برضه بيقاومني وبيحاول يقوم عشان يضربنى وفضلت أطعن في بطنه وجنابه وآخر وحدة اديتهاله في رقبته ولقيت أحمد اتصدم وقعد على الأرض وفضل يعيط ولما لقيته كدة قولتله امشي وروح بلغ عنى وساعتها قالي لا أنا مش هسيبك.
وأردف المتهم: أنا هخاف عليك وأنا قولتله ملكش دعوة روح امشي أنت ملكش فيه ولقيته مشى وروحت لفيت صباعي بشيكارتون أسود، عشان أوقف الدم اللي كان بينزل مني ولقيت باب الشقة بيخبط وأنا روحت بصيت على الباب كان اللي بيخبط مشي، وبعدها قعدت نص ساعه جنبه وفضلت أقوله أنت ليه وصلتني لكدة إحنا ذنبنا إيه وروحت جيبت تليفونه من جوه الأوضة بتاعته وحطيت صباعه على البصمة وفتحته وروحت غيرت الباس ورود وهو مفتوح عشان يفضل مفتوح معايا ولقيت التليفون مليان صور خادشة لأختي وبنات تانية.
واستكمل: وقعدت جنبه ولقيت نفسي اتحولت لبني آدم ثانی ولقيت حالتي اتحولت وبكلمه وهو ميت ليه عملت فينا كدة ليه بتعمل فينا كدة وليه بتصور أختي وحسيت إنى مكنتش في وعيي، والشنطة بتاعت الحاجة اللي كنت مجهزها كانت جنبي طلعت منها العقد بتاع الجواز وورقتين بصمته عليهم بايديه الاتنين وبعد كدة فكرت أجيب الصاروخ اللي كان معايا عشان انتقم منه وأقطعه بسبب اللي عمله مع أختي وروحت شغلت الصاروخ وبقطع في دماغه لقيت الصاروخ الكسر مني فرميت الصاروخ وجيبت 2 سلاح أبيض وروحت قطعت الرأس وبعد كدة بدأت أقطع في رجليه الاثنين ولما لقيت ريحة الدم فاحت وبتظهر روحت وكان المكان دا قدام الحمام اللي في الصالة وبعد ما قطعته رميته كله في الحمام وبعد ما خلصت تقطيع قولت اوديه فين ولقيت كراتين مياه عنده وغسلت بيها وشي وفكرت أرميه من الشباك وبعد كدة هديت شوية ودخلت جوه الشقة بصيت عليها وجيبت جاكيت بتاعه من لبسه ومسحت بيه الدم ولقيت تلاجة في المطبخ فضيت كل اللى فيها ورميته على الأرض وروحت حطيته كله في الثلاجة وفي الفريرز وقفلتها علشان ريحته متطلعش.
