محمد سليمان: الفن بقى تجارة وبرفض أي شغل مش مقتنع بيه.. السوشيال ميديا بقت زي صندوق الزبالة علشان كده مختفي
أكد الفنان محمد سليمان، أن ابتعاده عن الساحة الفنية خلال الفترة الأخيرة يعود إلى عدم اقتناعه بالأعمال التي تُعرض عليه، مشيرًا إلى أن الفن أصبح يخضع لحسابات تجارية أكثر من أي وقت مضى.
وقال محمد سليمان، في تصريحات خاصة لـ القاهرة 24: الفن بقى تجارة، والشغل اللي بيتعرض عليا مش بيعجبني فبرفضه.
وانتقد مواقع التواصل الاجتماعي، مؤكدًا أنها لم تعد مساحة لتبادل الآراء كما كانت في السابق، مضيفًا: السوشيال ميديا بقت زي صندوق الزبالة، كل واحد شايف نفسه أحسن واحد في الدنيا، ومش عايزين يسمعوا رأي حد، علشان كده مختفي ومش بظهر عليها.
أعمال محمد سليمان
وفي سياق مختلف، تحدث الفنان محمد سليمان، عن بدايته الفنية، وقال في تصريحات تليفزيونية: مكنتش بعمل إعلانات بصفة احترافية، أنا كنت بشتغل في ورشة تمثيل مع محمد عبد الهادي، وفي الوقت ده كنت بحاول أطلع مزاج معين كنت فيه، وكنت دارس موسيقى في الكونسلفتوار وفكرت أرجع تاني ليها ولكني مكنتش مبسوط، ومكنتش عارف المجالات اللي ممكن أروح فيها إيه، خاصة أني خريج تجارة، وقررت أدرس في ورشة تمثيل بنعمل فيها تمارين البحث مع الذات، مكنش عندي أي خلفية أني ممكن أكون ممثل ولا كنت بفكر في ده، في الوقت ده بدأوا يشوفوا الصور بتاعتي واختاروني في أكتر من إعلان، بعد الإعلانات طلبوني لـ فيلم واندهشت.
