شمس البارودي تدافع عن شهيرة: محمود ياسين مكنش عارف حد غيرها في آخر 5 سنين.. إزاي تهاجموها؟
أعربت الفنانة المعتزلة شمس البارودي، عن استيائها الشديد بسبب الهجوم الذي تعرضت له مؤخرًا الفنانة شهيرة، موضحة أن الراحل محمود ياسين، كان لا يتعرف على أحد غير زوجته شهيرة في السنوات الخمس الأخيرة في حياته.
وقالت شمس البارودي، في فيديو عبر حسابها بـ فيس بوك: أنا عايزة أدافع عن شهيرة، إنتو إيه؟، إنتو متقدروش توصلوا للست دي بـ رقيها وإخلاصها وجمالها، إحنا عرفنا بعض أيام الالتزام وكان جوزي يقولي كلمي شهيرة نتطمن على محمود ياسين، أنتم متخيلين أن هذه الزوجة التقية البارة بـ زوجها كان 5 سنين مش عارف حد غيرها؟
وأضافت شمس البارودي: شهيرة عاشت هي بس اللي ترعاه، مفيش إلا الفترة الأخيرة لما تعب أوي قالتلي إنها جابت له السرير الطبي، وأنا قلدتها في آخر 40 يوم في حياة حسن يوسف، ولكن لما محمود ياسين تعب أوي الكل شار عليها أنه لازم يدخل المستشفى، أنتم إزاي بتهاجموا الست دي؟.
شهيرة ترد على انتقادات تكريمها
ومن ناحية أخرى، سبق وعلقت الفنانة شهيرة، على الانتقادات التي طالت تكريمها في المهرجان القومي للمسرح، مؤكدة أن الهجوم عليها بسبب انتماء أفراد أسرتها للوسط الفني، حيث قالت خلال لقائها مع القاهرة 24: التعليقات بتضحكني، يعني علشان ابني مؤلف مينفعش يألفلي، وعلشان جوزي كان نجم مينفعش يرشحني، وعلشان جوز بنتي محمد رياض ماسك المهرجان مينفعش يكرمني، أنا ذنبي إيه إن حياتي كلها عائلة فنية؟ هعمل إيه؟.
